Дьокуускайга уонна Нерюнгрига оҕолорго арыгыны атыылаабыттара биллибит

Саха сиригэр полиция үлэһиттэрэ «Стоп алкоголь» диэн суһал-профилактическай эпэрээссийэни ыытан, арыгыны атыылааһыҥҥа сэттэ буруйу кэһиини быһаардылар, 385 лииэтрэ арыгыны былдьаатылар.

Дьокуускайга уонна Нерюнгрига сааһын ситэ илик оҕолорго арыгы атыылаабыттара биллибит. Бүлүү куоракка олохтоох киһи кыбартыыратыттан арыгы атыылаан тутуллубут.

Итиэннэ Дьокуускайга, Ленскэйгэ уонна Нерюнгрига баар ас маҕаһыыннара арыгыны 20 чаас кэнниттэн атыылаабыттар.

Быраабы кэһээччилэр утары административнай боротокуоллар оҥоһулуннар диэн СӨ ИДьМ пресс-сулууспата иһитиннэрэр.