Дьокуускайга уонна сорох улуустарга бүгүн ардах түһүөҕэ
23.08.2023, 09:00

Хаартыска: Андрей Сорокин, СИА.
Бөлөххө киир:
Бүгүн, атырдьах ыйын 23 күнүгэр, Дьокуускайга уонна сорох улуустарга быстах ардах түһүөҕэ диэн Саха сиринээҕи УГМС иһитиннэрэр.
Ардах киин, өрүс уҥуор оройуоннарга уонна өрөспүүбүлүкэ соҕуруу, илин, хотугулуу-илин өттүгэр түһэрэ күүтүллэр. Хоту улуустарга сөкүүндэҕэ 15-17 миэтэрэ түргэннээх тыала түһэрэ сабаҕаланар.
Дьокуускайга күнүһүн быстах ардах түһүөҕэ, +14…+16 кыраадыс буолуоҕа.
Киин оройуоннарга күнүһүн +14…+19, соҕуруу +21, хоту +8…+13, сорох улуустарга +4…+9 буолара күүтүллэр.
Күнү-дьылы кэтээн көрөөччүлэр Томпо уонна Өймөкөөн улуустарыгар күүстээх ардах түһүөҕэ диэн сабаҕалыыллар.
Сообщить об опечатке
Текст, который будет отправлен нашим редакторам: