Дьокуускайга уонна улуустарга 500-тэн тахса киһи клещкэ ытыттарда

От ыйын 3 күнүнээҕи туругунан Дьокуускайга уонна өрөспүүбүлүкэ улуустарыгар клещкэ ытыттарыы 533 түбэлтэтэ бэлиэтэннэ, онтон 23-һэ – атын эрэгийиэннэртэн киллэриллибит.

Бу туһунан бээтинсэҕэ Роспотребнадзор эрэгийиэннээҕи управлениетын пресс-сулууспата иһитиннэрдэ.

Саха сирин улуустарынан клещкэ ытыттарыы статистиката:

• Ленскэй улууһа – 260;
• Алдан улууһа – 91;
• Нерюнгри улууһа – 77;
• Өлүөхүмэ улууһа – 37;
• Сунтаар улууһа – 13;
• Хаҥалас улууһа – 9;
• Амма улууһа – 3;
• Таатта улууһа – 2;
• Горнай, Мэҥэ Хаҥалас, Ньурба, Кэбээйи, Уус Алдан уонна Чурапчы – биирдиилээн;
• Дьокуускай к. – 37.

Ытыттарбыт 533 киһиттэн 415-һэ клещкэ утары иммуноглобулинынан серопрофилактика быһыытын ылбыт. 88 киһи эрдэттэн эҥсиэли энцефалитын утары быһыыламмыт. Суһал дааннайынан, Саха сиригэр уопсайа 13 633 киһи, ол иһигэр 2523 оҕо, быһыыны ылбыт.

Дьон элбэхтик сылдьар уонна мустар сирдэригэр клещтэн харыстанар кутталын намтатар сыалтан сэрэтэр акарициднай ыстарыы ыытыллар.