Дьокуускайга уонна өрөспүүбүлүкэ үгүс улуустарынан Саха сирин сниоптиктара сарсын, от ыйын 27 күнүгэр, күүстээх тыаллаах этиҥнээх ардах түһэрин сэрэттилэр. Сорох сирдэринэн ардах бэнидиэнньиккэ диэри түһүөҕэ.
Сөкүүндэҕэ 15-17 м/с түргэннээх күүстээх тыал Кэбээйи, Томпо, Уус Маайа, Горнай, Нам, Уус Алдан, Чурапчы, Таатта, Амма уонна Мэҥэ Хаҥалас улуустарыгар, Ленскэй уонна Мииринэй соҕуруу өттүгэр түһэрэ күүтэллэр. Кэбээйи оройуонугар күүстээх ардах кэлиэҕэ-миэстэлэринэн 11 мм уонна онтон ордук ох сааланыахтара.
Кэбээйи улууһугар күүстээхтик самыырдыа, миэстэлэринэн 11 мм уонна онтон ордук сөҥүү түһүөҕэ.
Субуотаҕа Саха сирин соҕуруу өттүгэр итии буолуоҕа, манна салгын температурата +36 кыраадыска тиийэ сылыйыаҕа. Саха сирин киин өттүгэр +24 — +29 кыраадыска диэри тиийиэ, хоту — +18 — +23С, Халыма — +13 — +18С кыраадыс.
Оттон от ыйын 27 күнүн түүнүгэр Дьокуускайга уонна чугастааҕы сирдэринэн сөкүүндэҕэ 15-20 м/с түргэннээх күүстээх тыалырыа, этиҥнээх ардах түһүө. Күнүс киин куоракка сөҥүүтэ суох. Салгын температурата +26 кыраадыска диэри тиийиэ.
Өрөбүлгэ, от ыйын 28 күнүгэр, Саха сирин арҕаа уонна соҕуруулуу-илин өттүгэр ардах түһэрэ күүтэллэр.
Бэнидиэнньиккэ, от ыйын 29 күнүгэр киин улуустарга, соҕуруу, хотугулуу-арҕаа уонна арҕаа өттүгэр ардахтыа.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…