Хаартыска: СИА
Атырдьах ыйын 4-10 күннэригэр Дьокуускайга «Арассыыйа төрүт олохтоох аҕыйах ахсааннаах норуоттара. Уопсастыбаннай дипломатия оскуолата» үөрэх бырагырааматын иккис түһүмэҕэ ыытыллар.
«Уопсастыбаннай дипломатия оскуолата» — төрүт олохтоох аҕыйах ахсааннаах норуоттар өйөбүллэригэр туһуламмыт бырайыак. Бу социальнай дьоҕуру сайыннарарга, бырайыактыыр үлэ уопутун баһылыырга аныгы платформа буолар. «Оскуола» сүрүн сыала-соруга — аҕыйах ахсааннаах норуоттар интэриэстэригэр саҥа көлүөнэ былааһы уонна бисинэһи кытта хардарыта сыһыаннаһыылара.
Санатан эттэххэ, тэрээһин үс түһүмэҕинэн ыытыллар. 2024 сыл ыам ыйыттан муус устарга диэри ыраахтан олорон үс хайысханан үөрэхтээһин бастакы түһүмэҕэ буолан ааспыта (Международные стандарты и повестка в сфере прав коренных народов; Коренные народы в социокультурных регионах мира; Национальная политика и устойчивое развитие коренных малочисленных народов России).
Үөрэх иккис түһүмэҕин чэрчитинэн кыттааччылар араас дискуссионнай былаһааккаларга, төгүрүк остуолларга, маастар-кылаастарга, көрсүһүүлэргэ, коуч-сиэссийэлэргэ сылдьыахтара, ону тэҥэ төрүт омуктар бырааптарын бырамыысыланнаска, култуураҕа уонна төрүт үгэстэригэр харыстааһыҥҥа билсиэхтэрэ.
Бэҕэһээ, атырдьах ыйын 5 күнүгэр, Бырабыыталыстыба 2 №-дээх дьиэтин аактабай саалатыгар «Аҕыйах ахсааннаах төрүт олохтоох хотугу омуктар бырааптарын сокуонунан мэктиэлээһин уонна Саха Өрөспүүбүлүкэтин холобуругар сокуону оҥорууга чорботуллар хайысхалар» диэн тиэмэҕэ төгүрүк остуол буолан аастар. Тэрээһини Ил Түмэн Хотугу аҕыйах ахсааннаах төрүт олохтоох омуктар боппуруостарыгар уонна Аартыка дьыалаларыгар сис кэмитиэтин бэрэссэдээтэлэ Елена Голомарева ыытта.
Үөрэх үһүс түһүмэҕин ыытыы бу сыл балаҕан ыйыгар Москваҕа МГФО МИД баазатыгар практическай дьоҕурдарын бөҕөргөтөр сыаллаах, ону тэҥэ тус сыллаах федеральнай тэрилтэлэр үлэлэрин билиһиннэрэр соруктаах буолара былааннанар.
Саха сиригэр ыам ыйыгар 890 оҕо төрөөбүт. Кинилэр бары “Үйэ оҕолоро” тус сыаллаах хапытаалы ылыахтара.…
Уус Маайа оройуонугар уу таһыма үрдээбитинэн сибээстээн, үрдүк бэлэмнээх буолуу эрэсиимэ киллэрилиннэ. Бары сулууспалар бары…
Саха сирин олохтооҕо анды мончуугун хаачыстыбалаах уонна бэйэ оҥорбут кыраасканан сотор кистэлэҥин кытта үллэһиннэ. Видеону…
Алдан оройуонун Чагда сэлиэнньэтигэр халаан уутун содулуттан эмсэҕэлээбиттэр хоромньуларын сыаналааһын үлэтэ саҕаланна. СӨ Гражданскай оборуона…
Кытайга V Шанхайдааҕы норуоттар икки ардыларынааҕы хордар бэстибээлин «Хор сүрэҕэ» куонкурус түмүктэннэ. Арассыыйа чиэһин көмүскээбит…
«Арыгы састааба суох пиибэ утаҕы иһэрдиигэ билиһиннэрии экскурсиятын оҥоробут», - диэн биллэрии ФАПК "Якутия" тэрилтэ…