Салгыы
До выборов президента РФ
00 дней
:
00 часов
:
00 минут
:
00 секунд
Дьокуускайга успуорт эбийиэктэрин тутуу салҕанар

Дьокуускайга успуорт эбийиэктэрин тутуу салҕанар

Ааптар:
04.12.2023, 14:15
Хаартыска sakha.gov.ru ылылынна
Бөлөххө киир:

Дьокуускай куорат 77 түөлбэтигэр элбэх хайысхалаах успуорт саалатын, «Звезднай» микрооройуоҥҥа сабыылаах катогу тутуу үлэтэ кыраапык быһыытынан баран иһэр.

Тутуу хаамыытын ахсынньы 2 күнүгэр, СӨ Бырабыыталыстыбатын бэрэссэдээтэлин солбуйааччы Сергей Местников бэрэбиэркэлээтэ. Бэлиэтээн эттэххэ, Ил Дархан Айсен Николаев успуордунан дьон-сэргэ дьарыктанарыгар анаммыт тутууларга кыраапыктан хаалыы суох буолуохтааҕар уонна эбийиэктэр болдьоммут кэмнэригэр үлэҕэ киллэриллиэхтээхтэригэр сыал-сорук туруорбута.

Ол курдук, «Звезднайга» сабыылаах катогу 2024  сыл бүтүүтүгэр үлэҕэ киллэрэр былааннаахтар. Бу «Демография» национальнай бырайыак «Успуорт — олох нуормата» федеральнай бырайыагын чэрчитинэн тутуллар.

Биэс тыһ. тахса кв.м. иэннээх икки мэндиэмэннээх дьиэҕэ хоккейдыыр корт, спортивнай саала, сынньанар анал блок, административнай корпус, быраас хоһо, процедурнай, эрчиллэр саала баар буолаллар.

Манна симиэнэҕэ 50 киһи сылдьыан, 210 көрөөччү киириэн сөп.

Хаартыска sakha.gov.ru ылылынна

Билиҥҥи туругунан быйылгы сылга былааннаммыт үлэлэр түмүктэммиттэр. Эбийиэк бэлэмэ — 30%. Халлаан сылыйыыта үлэ салҕаныа.

Хаартыска sakha.gov.ru ылылынна

Оттон Ильменскай уулуссаҕа тутулла турар успуорт комплексын кэлэр сылга ыам ыйын 31 күнүгэр диэри тутан бүтэриэхтээхтэр. Бу Дьокуускайга ыытыллар «Азия оҕолоро» норуоттар икки ардыларынааҕы  VIII спортивнай оонньуулар ыытыллыахтаах 16 сирдэриттэн биирдэстэринэн буолар. Манна волейболга күрэхтэһиилэр ыытыллыахтара.

2,8 тыһ. кв.м. тахса иэннээх икки мэндиэмэннээх комплекска 400 миэстэлээх тырыбыналаах саала, художественнай гимнастиканан уонна буоксанан дьарыктанар саалалар бааллар.

Билиҥҥи туругунан ис өттүгэр үлэ ыытыллар. Уопсайа 22 киһи үлэлии сылдьар. Эбийиэк бэлэмэ — 50 %.

Хаартыска sakha.gov.ru ылылынна

Бу «Саха Өрөспүүбүлүкэтигэр физическэй култуураны уонна успуорду сайыннарыы» судаарыстыбаннай бырагыраама,  «Комплексное развитие социальной инфраструктуры ГО «город Якутск» на 2017-2032 годы» муниципальнай бырагыраама иитинэн тутуллар.

Түмүккэ Сергей Местников үөскүү сылдьыбыт кыһалҕалар быһаарыллыбыттарын, үлэ былаанынан салҕанан иһэрин бэлиэтээтэ уонна тутуу тэтимин ыһыктыбаттарыгар соруйда.

Санатан эттэххэ, өрөспүүбүлүкэ киинигэр 2030 сылга диэри успуорт уон эбийиэгэ тутуллуо. Куорат олохтоохторо уонна ыалдьыттара успуорт эбийиэгэр сылдьар кыахтаналларын уонна физкултууранан, успуордунан тиһиктээхтик дьарыктаналларын туһугар Ил Дархан Айсен Николаев улахан болҕомтотун уурар.

Сиһилии манна https://www.sakha.gov.ru/news/front/view/id/3379749  көрүҥ.

#нацпроект

 СӨ Ил Дарханын уонна Бырабыыталыстыбатын пресс-сулууспата

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
23 февраля
  • -38°C
  • Ощущается: -38°Влажность: 73% Скорость ветра: 1 м/с

Сообщить об опечатке

Текст, который будет отправлен нашим редакторам: