Дьокуускайга успуорт оскуолатын дириэктэрэ административнай эппиэтинэскэ тардылынна

Дьокуускай куорат суутунан успуорт оскуолатын дириэктэригэр РФ Административнай быраабы кэһии туһунан кодексатын (АПК) 9.1 ыстатыйатын 1-кы чааһынан көрүллүбүт административнай быраабы кэһии туһунан дьыала көрүлүннэ.

Суут дьыаланы быһаарыытын кэмигэр «Туймаада» стадион гааһы туһанар ситимигэр  бэрэбиэркэ түмүгүнэн бырамыысыланнай куттал суох буолуутун эйгэтигэр судаарыстыбаннай кэтэбил ирдэбиллэрэ кэһиллибиттэрин быһаарбыта олохтонно.

Бэрэбиэркэ түмүгүнэн успуорт оскуолатын дириэктэрэ административнай эппиэтинэскэ тардылынна.  Дьыала матырыйаалларыгар олоҕуран, Дьокуускай куорат суутун уурааҕынан дириэктэр РФ АПК 9.1 ыстатыйатын 1-кы чааһыгар көрүллүбүт административнай быраабы кэһиитин оҥорбутунан буруйдааҕынан ааҕылынна уонна киниэхэ сэрэтии көрүҥүнэн накаастабыл ананна. Уураах сокуоннай күүһүгэр киирэ илик, диэн СӨ Сууттарын холбоһуктаах пресс-сулууспата иһитиннэрэр.