Дьокуускайга устудьуон иирсээн кэмигэр муннун тоһуппут

Дьокуускай 2 №-дээх полиция отделын дьуһуурунай чааһыгар киин үрдүк үөрэх кыһатыгар суһал көмө биригээдэтиттэн иһитиннэрии киирбит. Үрдүк үөрэх кыһатыгар 20 саастаах устудьуон муннун тоһуппутар. Бу туһунан Саха сиринээҕи ИДьМ пресс-сулууспата иһитиннэрэр.

Полицейскайдар оҕону эчэтиигэ 20 саастаах бииргэ үөрэнэр уол оҕо буоларын быһаарбыттар. Силиэстийэ быһаарыытынан, уорбаланааччы кофе атыылаһан лиэксийэҕэ барбыт.

Дьарык кэмигэр аттыгар олорор устудьуон уол кофетын испит, онтон сылтаан иирсээн уонна охсуһуу тахсыбыт. Охсуһуу кэмигэр уол муннун тоһуппуттар. Холуобунай дьыала тэрилиннэ. Уорбаланааччы 3 сылга диэри көҥүлэ быһыллыан сөп.