Дьокуускайга устуоруйа пааркатын таһыгар оҕо суорума суолланна

Бүгүн, тохсунньу 20 күнүгэр, Дьокуускайга баар «Россия — моя история» устуоруйа пааркатын таһыгар 16 саастаах оҕо суорума суолланна. Бу туһунан Дьокуускай баһылыга Евгений Григорьев телеграм-ханаалыгар иһитиннэрэр.

Барыллаан дааннайдарынан, оҕо экспонакка баттаппыт. Уол оҕо быһылаан буолбут сиригэр тыына быстыбыт.

Туох буолбута сиһилии чопчуланар. Быһылаан буолбут сиригэр суһал сулууспалар кэллилэр.

«Оҕо төрөппүттэригэр кутурҕаммын тиэрдэбин. Төрөппүттэр, улахан дьон, оҕолору кутталы суоһуур эбийиэктэргэ чугаһатымаҥ диэн ыҥырабын», — диэн Евгений Григорьев суруйар.