Дьокуускайга вандаллар эмиэ сылаас тохтобулу алдьаппыттара билиннэ

Дьокуускайга «Новинка» сылаас  тохтобул павильонугар биллибэт дьон ыскамыайканы уонна аан тутааҕын алдьаппыттар.

Ол туһунан олунньу 15 күнүгэр Дьокуускайдааҕы суол-тырааныспар сулууспатын ТГ-ханаалыгар иһитиннэрдилэр.

«Бэдэрээтчиттэр номнуо өрөмүөн үлэтинэн дьарыктаналлар уонна сотору кэминэн үлэтэ түмүктэниэ. Уопсастыбаннай сирдэргэ харыстабыллаах сыһыаннаһаргытыгар санатабыт», — диэн иһитиннэриигэ суруллубут. Буруйдаахтары көрдөөһүн тэрээһинэ ыытыллара бэлиэтэнэр.