Дьокуускайга «Время героев» бырагыраамаҕа талыыга дистанционнай пуун аһылынна

«Аҕа дойдуну көмүскээччилэр»  судаарыстыбаннай пуонда филиалын баазатыгар Саха сиригэр «Время героев» үөрэх бырагырааматыгар хандьыдааттары талыы дистанционнай пууна аһылынна.

Бу туһунан от ыйын 12 күнүгэр пуонда филиалын ТГ-ханаалыгар иһитиннэрдилэр. «Время героев» — бу анал байыаннай дьайыы кыттыылаахтарын сайыннарар бырагыраама. Дойду Бэрэсидьиэнэ Владимир Путин сорудаҕынан РАНХиГС судаарыстыбаннай управлениетын Үрдүкү оскуолатын «Сенеж» мастарыскыайын баазатыгар олоххо киллэриллэр.

Бырагыраама бастакы үөрэх сүүмэрдээһинигэр Саха сириттэн Арассыыйа Дьоруойа Игорь Юргин талыллыбыта. Маны сэргэ эһиилги үөрэх сылыгар «Вагнер» ЧВК урукку үлэһиттэрэ,» «Барс» байыаннай этэрээт чилиэнэ уонна байыаннай сиэстэрэ кыттыахтахтара диэн «Аҕа дойдуну көмүскээччилэрэ» судаарыстыбаннай пуонда филиалыгар чуолкайдаатылар.

Үөрэх бырагырааматыгар кыттарга бэтэрээннэрэ эбэтэр анал байыаннай дьайыы кыттааччылара сирэй көрсөн Саха сиригэр «Аҕа дойду көмүскээччилэрэ» пуонда филиалыгар (Дьокуускай к., Ойуунускай уул., 41/1 дб., күн ахсын 09: 00-18:00 ч. диэри үлэлиир) эбэтэр официальнай саайка сайаапка биэриэхтэрин сөп.