Улуу Кыайыы күнүн көрсө ыам ыйын 7 күнүгэр «Якутск – город трудовой доблести» арканы арыйдылар. Тэрээһиҥҥэ Ил Дархан Айсен Николаев уонна куорат мээрэ Евгений Григорьев, бэтэрээннэр, уопсастыбанньыкттар, куорат олохтоохторо кыттыыны ыллылар.
«2022 сыллаахха Владимир Путин «Якутск – город трудовой доблести» ааты иҥэриигэ Ыйаахха илии баттаабыта. 62 тыһыынчаттан тахса саха буойуоннара Аҕа дойду Улуу сэриитин фроннарыгар сэриилэспиттэрэ, оттон тыылга 10 тыһ. киһи үлэлээбитэ. Саха дьоно дойдуну үбүнэн-харчынан хааччыйбыттара, кыһыл көмүһү, күндү түүлээҕи пуондаҕа туттарбыттара. Биллэн турар, Саха сирэ АЛСИБ киинэ буолан, тыһыынчанан сөмөлүөт фроҥҥа киирбитин ким да умнуо суоҕа. Манна хас да уонунан сыллар, үйэ тухары дьон-сэргэ кэлэн көлүөнэҕэ Улуу Кыайыыны уһансыбыттар өйдөрүгэр- санааларыгар хатанан хаалыахтара диэн эрэнэбин», – диэтэ Айсен Николаев.
Сэрии сылларыгар сахалар маассабайдык бэриниилээх үлэлэринэн холобур көрдөрбүттэрэ. 59 тыһыынча тыыл бэтэрээнэ «Аҕа дойду Улуу сэриитин сылларыгар килбиэннээх үлэтин иһин» мэтээлинэн наҕараадаламмыта, 15 төгүл Сталин Үрдүкү Главнокомандующай Иосиф Виссарионович Сталинтан махтал телеграммалары туппуттара.
Дьокуускай дириҥ тыылга дойду байыаннай картатыгар улахан суолталаах пуунунан «Аляска- Сибиир» салгын трассатын сыралаах үлэтин хааччыйыыга сүрүн кылааты киллэрбитэ. Фронт наадатыгар саха норуота 39 туонна көмүһү туттарбыта, норуот харчытынан 110 танкаттан турар «Советская Якутия» диэн икки танковай колонналар тутуллубуттара. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.
Саха сирин олохтоохторо уонна улуус дьаһалталара байыаннай дьайыыга сылдьар биир дойдулаахтарыгар өрүү көмөлөһөллөр. Бу өйөбүл…
«Тута» позывнойдаах Арассыыйа Дьоруойун Андрей Григорьевы СӨ мас-рестлиҥҥэ федерациятын бочуоттаах чилиэнинэн уонна вице-бэрэсидьиэнинэн таллылар. Дастабырыанньаны…
Бу сыл сааскы-сайынҥы кэмигэр «Нерюнгри аэропорда» филиалга саҥа маршрут арыллар диэн СӨ Тырааныспарга уонна суол…
Кэлиҥҥи кэмҥэ агро-оскуолалар эбии үөрэхтээһин хайысхатын таба туһанан, бэйэ бородууксуйатын оҥорон таһаарыыга, оҕону урбаан салаатыгар…
Икки сыл анараа өттүгэр, 2024 сыл олунньу 15 күнүгэр, Арассыыйа Федерациятын Бэрэсидьиэнин Ыйааҕынан байыаннай иэһин…
Олунньу 15 күнэ Арассыыйаҕа – ураты күн, бу күҥҥэ дойду үрдүнэн Аҕа дойду тас өттүгэр…