Дьокуускайга ыаллыы олорор кыбартыыра олохтоохторо киһи хаһыытыырын истэн быыһаабыттар

Share

ИДьМ Дьокуускайдааҕы 3-с №-дээх полиция салаатын дьуһуурунай чааһыгар Бестужев-Марлинскай аатынан уулуссаҕа баар элбэх кыбартыыралаах дьиэ олохтоохторо ыаллыы олорор кыбартыыраҕа айдаарсыы тахсыбытыгар тыаһы-ууһу мэһэйдэтэн полицияны ыҥырбыттар.

Полиция үлэһиттэрэ кэлэн көрбүттэрэ, айдааннаах кыбартыыра иһигэр хас да киһи баар эбит. Олор истэригэр төбөтүгэр эчэйиини ылбыт эр киһи баарын көрөн, полиция үлэһиттэрэ суһал мэдиссиинэ көмөтүн ыҥырбыттар, онно биллибитинэн, эр киһи төбөтүн уҥуоҕа хайдыбыт.

Холуобунай ирдэбил үлэһиттэрэ суһаллык көрдөөн, икки уорбаланааччыны туппуттар. Ол курдук, эрдэ уорууга тутуллан сууттана сылдьыбыт 46 саастаах эр киһини куортамнаан олорор кыбартыыратыттан туппуттар. Иккис уорбаланааччыны, эмиэ сууттана сылдьыбыт 40 саастаах эр киһини Уус Алдан улууһуттан булбуттар. Уорбаланааччылары тутан полиция салаатыгар аҕалбыттар.  Онно быһаарыллыбытынан, уорбаланааччылар уонна эмсэҕэлээччи парикмахерскайга билсибиттэр уонна билсиһиилэрин бэлиэтииргэ санаммыттар.  Кинилэр үһүөн барга арыгылыы барбыттар, ол сылдьан кыыһы кытта билсибиттэр. Кыыс кинилэри табаарыһын кыбартыыратыгар ыалдьыттата ыҥырбыт.

Арыгылааһын кэмигэр эр дьон кыыһырсан турбуттар, ол түмүгэр эмсэҕэлээбит киһини уорбаланааччылар кырбаан барбыттар. РФ холуобунай кодексатын 111 ыст. 3 ч. «Киһиэхэ соруйан эчэтиини оҥоруу иһин» диэнинэн холуобунай дьыала тэриллибит.  Бу туһунан ИДьМ пресс-сулууспата иһитиннэрэр.

What’s your Reaction?
+1
4
+1
3
+1
0
+1
0
+1
12
+1
0
+1
5

Recent Posts

  • Култуура
  • Сонуннар

Улан ураты туругу бэлэхтээтэ

Муус устар 3 күнүгэр «Сэргэлээх уоттара» култуура киинигэр Василена Шарина-Улан «Турук» диэн бастакы моно-перфоманс кэнсиэрэ…

10 часов ago
  • Быһылаан
  • Сонуннар
  • Уопсастыба

Полицейскайдар биэнсийэлээх харчытын уорбут 18 саастаах уолу туттулар

Быйыл кулун тутар ыйга полицияҕа Дьокуускай куорат 77 саастаах олохтооҕо түөкүттэр сиэртибэлэрэ буолбутун уонна мөлүйүөн…

10 часов ago
  • Сонуннар
  • Уопсастыба

Дойдутун, норуотун туһугар (Гавриил Чиряев төрөөбүтэ 100 сылыгар)

Ханнык баҕарар дойдуга кыратыттан, улаханыттан тутулуга суох, төрөөбүт-үөскээбит сирин дьонун-сэргэтин дириҥ ытыктабылларын ылбыт, киэн туттуулара…

11 часов ago
  • Сонуннар
  • Спорт

Оскуола спартакиадатын финала Дьокуускайга бэс ыйыгар ыытыллыаҕа

Бэс ыйын 4-8 күннэригэр Дьокуускайга «Спортивные якутяне» Саха сирин үөрэнээччилэрин спартакиадатын финальнай түһүмэҕэ ыытыллыаҕа. Бэлэмнэнии…

11 часов ago
  • Сонуннар
  • Уопсастыба

ОМОН «Бизон» этэрээт тэриллибит күнүгэр үрдүк наҕараадалар туттарылыннылар

Росгвардия территориальнай управлениетын ОМОН баазатыгар «Бизон» этэрээт тэриллиитин күнүгэр үөрүүлээх тэрээһин буолан ааста. «Бизон байыастарын…

11 часов ago
  • Сонуннар
  • Хаартыска/Видео

«Сэмсэ тыл»: Трамп тоҕо түһээнин үрдэтэрий, тоҕо ороскуотун аҕыйата сатыырый?

Ис-тас атыы-эргиэн арыта аһара баран, аны дуоллар тиһигэ туллаҥнаан Эмиэрикэлэр экэнэмиэкэлэрин "эргичитэллэр".  

12 часов ago