Дьокуускайга ыам ыйын 16-19 күннэригэр муус устуоҕа

Өлүөнэ өрүскэ муус устуута Ленскэй оройуонугар бэлиэтэнэр. Ленскэй куоракка ыам ыйын 14-46 күннэригэр, Покровскай, Дьокуускай куораттарга – ыам ыйын 16-19 күннэригэр муус хамсыыра күүтүллэр диэн СИА иһитиннэрэр.

Ленскэй оройуонугар уу таһыма билигин 516 см (муҥутуур таһыма – 950 см). Суһал ыстаап күнүстэри-түүннэри үлэлиир, үрдүк бэлэмнээх эрэсиим киирэн, нэһилиэнньэни кытары үлэлииллэр.

Киин улуустарга уу таһыма сууккаҕа 20-50 см үрдүүр. ЫББМ иһитиннэрбитинэн, билиҥҥитэ уу муҥутуур таһыма бэлиэтэнэ илик. Суһал бөлөхтөр 5 оройуоҥҥа үлэлииллэр. Бүгүн Өлүөнэ устун сөмөлүөтүнэн көтөн, көмүөл туругун кэтээн көрүөхтэрэ.

Өлүөхүмэ өрүскэ көмүөл Троицкай сэлиэнньэ аттынан ааһар, уу таһыма – 816 см (муҥутуур таһыма – 1000 см). Троицкай аттынан муус хардаҕына, уу таһыма үрдүөн сөп диэн иһитиннэрэллэр.

Алдан өрүскэ уу таһыма сууккаҕа 20-60 см үрдүү турар. Алдан, Уус-Маайа оройуоннарыгар муус хамсаата.