Дьокуускайга ыам ыйын 8-9 күннэригэр арыгы атыыта хааччахтанар

Аҕа дойду Улуу сэриитигэр Кыайыы 80 сылыгар аналлаах маассабай тэрээһиннэринэн сибээстээн, Дьокуускайга ыам ыйын 8-9 күннэригэр арыгы бородууксуйатын атыылааһын хааччахтанар.

Ол туһунан Дьокуускай куорат урбааҥҥа, потребительскай ырыынакка, туризмҥа уонна тырааныспары сайыннарыыга департаменыгар иһитиннэрдилэр. Бу дьаһал куорат киинигэр уонна дьон-сэргэ маассабайдык түмсэр миэстэтинэн үлэлиэҕэ. Дьаһал бырааһынньык кэмигэр нэһилиэнньэҕэ куттала суох буолууну хааччыйыыга тэрийиигэ туһуланар.

Ол курдук, 14:00-20:00 чааска диэри маннык уулуссаларынан арыгы атыыта хааччахтанар:

• Аммосов уулуссата (четнай сыыппаралар);
• Ленин проспегын сорох учаастага — Петровскай уулуссаттан Дзержинскай аатынан уулусса быһа охсуһуутугар диэри (икки өттүнэн);
• Орджоникидзе уулуссата (икки өттүнэн);
• Дзержинскай уулуссата -саҕаланыытыттан Лермонтов аатынан уулусса быһа охсуһуутугар диэри (икки өттүнэн);
• Федор Попов уулуссата (икки өттүнэн);
• Богатырев уулуссата (икки өттүнэн);
• Хабаров уулуссата (икки өттүнэн);
• Богдан Чижик уулуссаттан Федор Попов аатынан уулусса быһа охсуһуутугар диэри (икки өттүнэн);
• Губин уулуссата (икки өттүнэн);
• Чиряев уулуссата (икки өттүнэн);
• 202 түөлбэ (барыта);
• 203 түөлбэ (барыта).