Бэҕэһээ Дьокуускай куорат иһигэр ыарахан уйуктаах тиэхиньикэ сырыытын хааччахтыыр туһунан боппуруоһу Уопсастыбаннай истиилэргэ дьүүллэстилэр.
Дьокуускай куорат Тырааныспар уонна суол хаһаайыстыбатын управлениетын начаалынньыга Василий Амбросов иһитиннэрбитинэн, 3,5 туоннаттан улахан ыйааһыннаах таһаҕаһы таһар тиэхиньикэҕэ сырыы схемата маннык хайысханан оҥоһуллубут: 50 лет Советской Армии уул. – Б. Чижика уул. – Хабаров уул. – Чернышевскай уул. – Покровскай тракт уонна төттөрү хайысхаҕа; Покровскай тракт – Автодорожнай уул. – Красильников уул. – Лермонтов уул. – Петровскай уул. – Хатыҥ-Үрэх шоссета – Бүлүү трага уонна төттөрү хайысханан; Бүлүү трага – Объездной шоссе – Окружной шоссе – Автострада 50 лет Октября – Можайскай уул. – Марха мкр. Экспериментальнай уул. уонна төттөрү хайысханан.
«Өскөтүн ыарахан уйуктаах таһаҕаһы таһар тырааныспар атын суолунан сылдьара наадалаах буоллаҕына, айанныыр хайысхатын ыйан туран, «Росдормониторинг» ФКУ сайтын нөҥүө сайабылыанньа биэриэхтээх. Салгыы маршрут биһиэхэ сөбүлэһиигэ кэлэр», — диэтэ Василий Амбросов.
Василий Амбросов ону тэҥэ Дьокуускай куорат суолларыгар, ол иһигэр Эргэ Покровскай тракт, Птицевод, Н. Антонов, Бабушкин, Очиченко, Р. Зорге, Речниктэр уулуссаларыгар, хаартыска уонна видео камералары туруоруу үлэтин хаамыытын туһунан кэпсээтэ. Кэлэр сыл сааһыгар ыарахан уйуктаах таһаҕаһы таһар тиэхиньикэлэр сырыыларыгар хааччахтааһыҥҥа былааннаах үлэни ыытыахтара.
ХОЙ Туохха барытыгар санааны уурдахха ситиһии кэлэрин өйдөөҥҥүн, туттумахтаан хаалыаххын наада. Үлэҕинэн үрдүүргэр табыгастаах кэмнэр. Тус…
Бүгүн, ыам ыйын 16 күнүгэр, саха литературатын устуоруйатыгар киирэр дьоһуннаах тэрээһин П.Ойуунускай аатынан Литература түмэлигэр…
Ыам ыйын 19 күнүгэр Дьокуускай куорат олохтоохторо «ЗаБег.РФ» Бүтүн Арассыыйааҕы полумарафоҥҥа кыттыахтарын сөп. Тэрээһин күнүс…
ИДьМ 2 №-дээх полициятын оперативниктара киин куоракка рестораны уоттуу сатаабыт 33 саастаах дьахтар буоларын быһаардылар.…
СӨ Дьарыктаах буолууга судаарыстыбаннай кэмитиэтэ анал байыаннай дьайыы кыттыылаахтарыгар уонна кинилэр дьиэ кэргэттэригэр анаан Кэлим…
РФ Бэрэсидьиэнэ Владимир Путин КНӨ бэрэссэдээтэлэ Си Цзиньпин ыҥырыытынан Кытай Норуодунай Өрөспүүбүлүкэҕэ икки күннээх судаарыстыбаннай…