Салгыы
Дьокуускайга Үөһээ Бүлүү улууһун Кэнтик күннэрэ буолан ааста

Дьокуускайга Үөһээ Бүлүү улууһун Кэнтик күннэрэ буолан ааста

30.03.2024, 20:22
Хаартыска: В.Николаев ТГ-ханаалыттан
Бөлөххө киир:

Киин куоракка Үөһээ Бүлүү Кэнтик нэһилиэгин 125 сылыгар анаммыт икки күннээх тэрээһиннэр үрдүк таһымнаахтык ыытыллыннылар.

Бастакы күн, кулун тутар 29 күнүгэр, өрөспүүбүлүкэтээҕи «Чап уус» күрэҕэ «Куруһаала» атыы-эргиэн киинигэр буолла. Күрэххэ уопсайа 15 улуустан барыта 43 тимир ууһа кыттыыны ылбыта биллэр.  Тэрээһин саҕаланыытыгар уустар уран оҥоһуктарыттан быыстапка, атыы-эргиэн тэрилиннэ. Кэлбит дьон сөбүлүү көрбүт хомустарын, быһыччаларын, саха быһаҕын атыылаһан үөрдүлэр, астыннылар. Уустар күрэхтэрэ биэс түһүмэҕинэн ыытылынна.

Хас түһүмэх ахсын кыайыылаахтарга сыаналаах, өйдөбүнньүк бириистэри туттардылар.  Болгуоттан оҥоһуллубут бастыҥ кыптыый оҥоһугар: 1 үрдэл — Томскай Семен, Бүлүү улууһа;  2 үрдэл — Осипов Степан, Бүлүү улууһа; 3 үрдэл — Стручков Станислав, Үөһээ Бүлүү улууһа, Үөдүгэй буоллулар. Бастыҥ саха хомуһа оҥоһугар: 1 үрдэл — Афанасьев Ариан, Ньурба улууһа; 2 үрдэл — Комиссаров Феликс, Томпо улууһа; 3 үрдэл — Осипов Степан, Бүлүү улууһа.  «Дэгиттэр быһах» оҥоһугар:  1 үрдэл — Стручков Станислав, Үөһээ Бүлүү улууһа, Үөдүгэй нэһилиэгэ; 2 үрдэл — Афанасьев Анатолий, Үөһээ Бүлүү улууһа, Кэнтик нэһилиэгэ; 3 үрдэл — Родионов Степан, Үөһээ Бүлүү улууһа, Кэнтик нэһилиэгэ. Бастыҥ уус уран оҥоһуктаах быһах оҥоһугар:  1 үрдэл —  Билюкин Сарыал, Таатта улууһа; 2 үрдэл — Баишев Михаил, Нам улууһа; 3 үрдэл — Платонов Айыы Сиэн, Чурапчы улууһа. Бастыҥ уус уран оҥоһуктаах быһах оҥоһугар ыччакка, саҥа саҕалыыр уустарга: 1 үрдэл —  Яковлев Александр, Кэбээйи улууһа; 2 үрдэл — Пухова Айталаана, Уус Алдан улууһа; 3 үрдэл — Афанасьев Михаил, Сунтаар улууһа.

«Кылаан чыпчаал» анал үбүлүөйдээх бириис хаһаайына Бүлүү улууһуттан Семен Семенович Томскай буолла уонна 125 тыһ. солк. харчынан биһирэннэ.

««Чап уус» күрэх быйыл алтыс төгүлүн ыытыллар. Кэнтик нэһилиэгэ төрүттэммитэ 125 сылыгар анаан, үбүлүөйдээх тэрээһини быйыл бастакытын Дьокуускай куоракка тэрилиннэ. Уустар күрэхтэн астынан, үрдүктүк сыаналаан, махтанан бардылар. Сыл ахсын кыттааччы ахсаана, тимир ууһа элбээн иһэриттэн киэн туттабыт уонна үөрэбит. Саҥа ааттар, саҥа эдэр уустар быйылгы сылга арылыннылар. Уус удьуора ууһаан, тэнийэн саха тимир ууһа инникилээх. Кэнтик нэһилиэгин тимир уустара сайда чэчирии турдуннар», – диэн Үөһээ Бүлүү улууһун баһылыга Валерий Николаев ТГ-ханаалга суруйар.

Үбүлүөйдээх тэрээһиннэр Дьокуускай куоракка бүгүн, кулун тутар 30 күнүгэр, А.Е. Кулаковскай аатынан Норуоттар доҕордоһууларын дьиэтигэр эҕэрдэ кэнсиэринэн түмүктэннэ.

Бу күн Ил Дархан Айсен Николаев Ыйааҕынан култуура уонна ускуустуба уобаластарыгар улахан өҥөлөрүн иһин «СӨ култууратын үтүөлээх үлэһитэ» бочуоттаах аат Айталина Мойтохоноваҕа ананна.  СӨ  Бырабыыталыстыбатын социальнай-экэнэмиичэскэй сайдыытыгар тус кылаатын иһин Кэнтик нэһилиэгин баһылыгын эбээһинэһин толорооччу Айталина Иванова, СӨ Бырабыыталыстыбатын социальнай-экэнэмиичэскэй сайдыытыгар тус кылаатын иһин Махтал суругунан Кэнтик нэһилиэгин дьаһалтатын бухгалтера Евдокия Кокоринова, «СӨ үөрэҕин тиһигин туйгуна» бэлиэнэн оскуола дириэктэрэ Владислав Семенов, «СӨ үөрэҕин тиһигин туйгуна» бэлиэнэн Үөһээ Бүлүү сэлиэнньэтин 2№-дээх оскуолатын учуутала  Ирина Николаева, «СӨ үөрэҕин тиһигин бочуоттаах бэтэрээнэ»  бэлиэнэн Христина Филиппова, «Гражданскай инициатива туйгуна» бэлиэнэн Егор Тумусов, «СӨ култууратын туйгуна» бэлиэнэн бибилэтиэкэ сэбиэдиссэйэ Мария Ушницкая, «СӨ ыччат бэлиитикэтин туйгуна» бэлиэнэн бэтэринээринэй быраас  Владимир Самсонов, «Кэнтик нэһилиэгин бочуоттаах гражданина» бэлиэнэн тыа хаһаайыстыбатын бэтэрээнэ Дмитрий Алексеев наҕараадаланнылар.

+1
9
+1
0
+1
1
+1
0
+1
0
+1
0
+1
0
Бары сонуннар
Салгыы
13 апреля
  • -5°C
  • Ощущается: -10°Влажность: 30% Скорость ветра: 4 м/с

Сообщить об опечатке

Текст, который будет отправлен нашим редакторам: