Оробуочай сырыы кэмигэр Саха сирин Бырабыыталыстыбатын Бэрэссэдээтэлин бастакы солбуйааччы Дмитрий Садовников уонна өрөспүүбүлүкэ борокуруора Максим Попов Дьокуускайга үөрэх саҥа тэрилтэлэрин тутууну бэрэбиэркэлээтилэр.
Кинилэр хас да эбийиэги көрдүлэр, итилэр ортолоругар – ДСК-ҕа 990 миэстэлээх оскуола. Бу оскуола өрөспүүбүлүкэҕэ саамай бөдөҥнөрө буолуоҕа. Эбийиэк бэлэм буолуута — 64%.Үлэ былаан быһыытынан барар, 2024 сыл бүтүүтэ киириэхтээх.
Салгыы Пирогов аатынан уулуссаҕа 180 миэстэлээх 4 №-дээх анал (коррекционнай) уопсай үөрэхтээһин орто оскуолата. Эбийиэк бэлэм буолуута 34 % тэҥнэһэр. Болдьохтон хаалан иһиинэн бу тутуу 2025 сылга үлэҕэ киириэн сөп. 29 №-дээх оскуолаҕа салҕааһын тутуу 75 % бэлэм буолбут. Эбийиэккэ 100 тахса киһи үлэлиир. Кыраапык тутуһуллар, онон 2024 сыл бүтүүтэ үлэҕэ киирэрэ былааннанар.
Ону тэҥэ Мархатааҕы 1 №-дээх орто оскуолаҕа эбии дьиэ тутуллар. 5,8 тыһыынча квадратнай миэтэрэлээх. Тутуу бэлэм буолуута 39%. Эбийиэги туттарыы бу сыл бүтүүтэ торумнаммыт.
Санаттахха, 2024 сыл бүтүүтэ Саха сиригэр 3515 миэстэлээх 12 оскуола тутуутун түмүктүөхтээхтэр. Балартан үгүһэ Арассыыйа Бэрэсидьиэнин Владимир Путин “Үөрэхтээһин” национальнай бырайыагын чэрчитинэн федеральнай үбү туһанан тутуллар.
СӨ Ил Дарханын уонна Бырабыыталыстыбатын пресс-сулууспата
Кэлиҥҥи сылларга ахсынньы биллэ сылаас буолбутун бары бэлиэтии көрөбүт. Сороҕор ол сылыйбытын мэлдьэһэр курдук кулун…
Ханнык баҕарар тэрилтэҕэ күһүн кэлэр сыллааҕы уоппуска кыраапыгын оҥороллор. Дойду Бырабыыталыстыбата кэлэр сыллааҕы үлэ күнүн…
Бэҕэһээ, ахсынньы 21 күнүгэр, Дьокуускай куоракка олорор «Ыаллыылар» бөлөҕү Сунтаар улууһун араас нэһилиэктэриттэн төрүттээх, Хатас…
Кэлиҥҥи кэмҥэ саха тэлэбиидэнньэтигэр бээтинсэ аайы көрөөччүнү аралдьытар, киһини сынньатар, уоскутар, сэргэхситэр айылгылаах “Уонна...” биэрии…
Билигин электрогенерация биэс улахан эбийиэгэ тутуллар диэн Ил Дархан Айсен Николаев иһитиннэрдэ. Бу Ленскэйгэ тутулла…
Илин эҥэрдээҕи диализнай киин арыллыытын былааннаатыбыт диэн Мэҥэ Хаҥалас улууһун баһылыга Дмитрий Тихонов иһитиннэрдэ. -…