Дьокуускайга ый устата телебашняны кырааскалыахтара

Дьокуускайга ыам ыйын 15 күнүттэн бэс ыйын 16 күнүгэр диэри телебашняны кырааскалыахтара. Бу кэмҥэ телебашня уота тыгыа суоҕа диэн СӨ РТПЦ иһитиннэрэр.

Тимир конструкция дьэбиннирбэтин туһуттан кырааскалыыллар. Үлэ барыта тиэхиньиичэскэй эксплуатациялар быраабылаларынан ыытыллар.

10-17 ч. кырааска үлэтэ ыытылларынан телебиэриилэргэ уонна араадьыйаларга быстах кэмнээх тохтобуллар буолуохтарын сөп.

Аныгы ньымалары туһанан кырааскалыыр да буоллаллар, телебашня чугаһынан баар эбийиэктэргэ, массыыналарга алҕас таммалыан сөбүн сэрэтэллэр. Онон олохтоохтор болҕомтолоох буолалларыгар ыҥыраллар.