Хаартыска: pxhere.com
Ырыа күнүгэр аналлаах кэнсиэртэр оптуорунньукка, ыам ыйын 21 күнүгэр, Саха сирин бары куораттарыгар уонна сэлиэнньэлэригэр ыытыллыахтара.
Кэнсиэртэргэ ырыалары Саха сирин норуоттарын тылларынан толоруохтара. Оттон Дьокуускайга халаан уутуттан эмсэҕэлээбиттэргэ анаан үп-харчы хомуйуута тэриллиэҕэ.
«Сарсын-сарсын сарсыарда…» кэнсиэр Дьокуускай куорат Доҕордоһуу болуоссатыгар киэһэ 19.00 чаастан ыытыллыаҕа. Тэрийээччилэр чуолкайдыылларынан, кэнсиэр чэрчитинэн Саха сиригэр халаан уутуттан эмсэҕэлээбит гражданнарга дьиэлэрин-уоттарын чөлүгэр түһэриигэ, аадырыстаах көмөнү оҥорууга үп-харчы хомуйуута тэриллиэҕэ.
С.А. Зверев-Кыыл Уола төрөөбүтэ 125 сылыгар уонна Оһуохай күнүгэр анаммыт кэнсиэргэ «Туймаада» судаарыстыбаннай вокальнай ансаамбыла, Ю.Платонов аатынан СӨ Эстрадатын тыйаатырын артыыстара, Суорун Омоллоон аатынан Опера уонна балет судаарыстыбаннай тыйаатыра, М.Жиркова аатынан Саха муусукаҕа кэллиэс устудьуоннара, А. Макарова аатынан Дьокуускайдааҕы култуура уонна ускуустуба кэллиэһэ, СӨ ырыаларын ааптардарын Сойууһа, о.д.а кыттыахтара.
Ону сэргэ П.А. Ойуунускай аатынан Саха академическай тыйаатырыгар Г.М. Кривошапкин аатынан судаарыстыбаннай филармония симфоническай сезонун сабыытыгар анаммыт «Муустаах муора» кэнсиэр буолуоҕа.
Санаттахха, Ырыа күнэ Саха сиригэр 2022 сыллаахха Ил Дархан Айсен Николаев Ыйааҕынан ырыаҕа уһуйуу уонна култуура суолтатын билинии соругунан тэриллибитэ.
СӨ Ил Дарханын уонна Бырабыыталыстыбатын пресс-сулууспата
Сунтаар улууһун олохтооҕо хат итирик туруктаах массыынаҕа олорон сууттанна. Бу туһунан СӨ Борокуратуурата иһитиннэрдэ. Ол…
Мэҥэ Хаҥалас улууһун кыһалҕатын уонна кэскилин туһунан "Саха сирэ - Дьоруойдар сирдэрэ" бырагыраама кыттыылаахтара биллилэр.…
Кэнники сылларга Дьокуускай куоракка араас кыылы-сүөлү, хара, кыһыл саһыллары, тыҥырахтаах көтөрү, тииҥи көрбүттэрин, ааҕааччыларбыт хаартыскалаан…
Арассыыйаҕа сылын ахсын ыытыллар «Мисс Россия 2025» куонкуруска 90 тыһыынчаттан тахса сайаапка киирбит диэн ТАСС…
Нам улууһугар хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга уонна производственнай кооперативтарга билигин саамай…
Саха сирин киин улуустарын олохтоохторо чаҕылхай күннээх «дьахтар сайыныгар» астына сырыттахтарына, өрөспүүбүлүкэ сорох улуустарыгар маҥнайгы…