Дьокуускайга Ырыаһыттар аллеятыгар икки саҥа ырыа ыскамыайката баар буолуоҕа

Дьокуускайга Ырыаһыттар аллеятыгар (Карл Маркс искибиэрэ) икки саҥа ырыа ыскамыайката баар буолуоҕа.

Ити курдук истээччилэр муусука уонна фольклор түмэлин тэрийээччи Аиза Решетникова кэрэхсэбиллээх кэпсээннэрин, «Кыайыы кэрэ куолаһа» Александр Самсонов ырыаларын истиэхтэрин  сөп. Ыскамыайкалары үөрүүлээх аһыллыытын сиэрэ-туома бу сыл балаҕан ыйын 12 күнүгэр Дьокуускай куорат күнүн бэлиэтиир чэрчитинэн буолуоҕа. Ыскамыайкалар  QR-куодтаахтар, бу көмөтүнэн ырыаһыттар куоластарын, видеонан ахтыыларын истиэхтэрин уонна көрүөхтэрин сөп буолуо.

Санатан эттэххэ, «Ырыһыаттар аллеята» бырайыак Татьяна Березина көҕүлээһининэн Саха сирин ырыа ааптардарын Сойууһа уонна Дьокуускайдааҕы Строительнай уокурук управатын көмөлөрүнэн олоххо киирбитэ.