Дьокуускайга үс киһи олоҕун быспыт баһаар барыллаан төрүөтэ билиннэ

Дьокуускай куоракка Халтурин уулуссаҕа  үс киһи олоҕун быспыт баһаар барыллаан быһаарыынан уоту сэрэҕэ суох туһаныыттан тахсыбыт. Бу туһунан сэтинньи 10 күнүгэр ыытыллыбыт киин куорат  дьаһалтатын мунньаҕар иһитиннэрдилэр.

Санатан эттэххэ, үс киһи, ол иһигэр 11 уонна 14 саастаах оҕолор, олохторун быспыт баһаар сэтинньи 6 күнүгэр күнүс тахсыбыта. Икки этээстээх мас дьиэ бастакы этээһин 50 квадратнай миэтэрэ иэннээх сирэ уокка былдьаммыта. Дьиэ 2017 сыл сэтинньитигэр саахалланар туруктааҕынан билиниллибит. Бу чахчыга сэрэҕэ суохтан киһи өлүүтүгэр тиэрдии түбэлтэтинэн холуобунай дьыала тэрилиннэ. Силиэстийэлиир управление салалтата дьыала хайдах баран иһэрин тус хонтуруолугар ылла.