Дьокуускайга үс маҕаһыын сокуону кэһэн туран арыгы атыылаан тутулунна

Дьокуускайга Автодорожнай уонна Лиза Чайкина уулуссаларга баар үс маҕаһыыҥҥа сокуону кэһэн туран арыгы атыылаабыттар. Суһал-сэрэтэр рейдэ кэмигэр ИДьМ Дьокуускайдааҕы 1-кы №-дээх полиция салаатын үлэһиттэрэ үс маҕаһыын сокуону кэһэн арыгы атыылыыы турарыгар түбэспиттэр.

Маҕаһыын атыылааччылара аҕыстан киэһэ, арыгыны атыылыыр бириэмэ ааспытын билэ-билэ, сокуону кэһэн аһыы утаҕы атыылыы турбуттар. Полиция үлэһиттэрэ уопсайа 306 лиитэрэ аһыы утаҕы былдьаабыттар. Маҕаһыыннарга 14.2 ыст. административнай боротокуоллар толоруллубуттар.

Сокуону кэһэн туран аһыы утаҕы хаһыс да төгүлүн атыылааһын иһин холуобунай эппиэтинэскэ тардыллыахха сөп диэн полиция сэрэтэр.