Дьокуускайга үс массыына саахалланна

Халлаан аһара тымныыныттан туманнаах буолан, тимир көлөлөөхтөргө уустук кэмнэр тураллар.  Ол курдук, тохсунньу 21 күнүгэр Дьокуускайга күнүс Ленин проспегын уонна Хабаров уулусса быһа охсуһууларыгар үс массыына харсыспыт.

«Хонда” массыына 38 саастаах суоппара хаҥас туорааһыҥҥа утары иһэр “Тойота –Ипсум” массыынаны аһардыбатах. Ол түмүгэр үһүс массыынаны эмиэ таарыйбыттар. “Тойота-Ипсум” массыына суоппара эчэйии ылан, балыыһаҕа киирбит. “Хонда” массыына суоппара административнай эппиэтинэскэ уопсайа 87-тэ тардылла сылдьыбыт.

Билигин улахан тымныылар турбут кэмнэригэр куорат уулуссалара ыыс-быдаан туманынан бүрүллэн тураллар.  Онон сатыы да, массыыналаах да дьон сэрэхтээх уонна болҕомтолоох буолуохтарын наада.