Дьокуускайга үс массыына турбут гарааһа умайда

Ааспыт сууккаҕа Саха сиригэр түөрт техногеннай баһаар буолбутун туһунан ЫБММ телеграм-ханаала суруйар.

Баһаардарга эчэйбиттэр, өлбүттэр суохтар. Барыта 41 исписэлиис, 8 тиэхиньикэ үлэлээтэ.

Дьокуускайга икки массыына, биир самосвал турбут чааһынай гарааһыгар баһаар буолла. Итиэннэ Уус Алдан улууһун Уус-Күөлэ сэлиэнньэтигэр чааһынай баанньык умайбыт. Нам улууһун Аппааны нэһилиэгэр икки массыыналаах гараас умайбыт.