Дьокуускайга үс оҕо эчэйэн балыыһаҕа киирдэ

Дьокуускайга баар Дьиэ кэргэн өрөспүүбүлүкэтээҕи кииниттэн үс оҕону балыыһаҕа киллэрдилэр. Быһылаанынан СӨ борокуруора Сергей Дябкин сорудаҕынан бэрэбиэркэ саҕаланна диэн СӨ Борокуратуурата суруйар.

Оҕолор туохтан эчэйбиттэрэ быһаарыллар. Билигин тустаах эмтэниини ааһаллар. Быһылаан буолбут сиригэр Дьокуускай борокуруора Виктор Умеренко тиийдэ.

Борокуратуура бэрэбиэркэтин түмүгүнэн миэрэлэр ылыллыахтара.