Дьокуускайга ыт бүрүсүлүөһэ көстүбүтүнэн, ыты босхо ыытар, күүлэйдэтэр бобулунна

Бүгүн, алтынньы 20 күнүгэр, СӨ Бырабыыталыстыбатын иһинэн противоэпизоотическай хамыыһыйа сугулаана буолла. Онно биллибитинэн, Дьокуускайга бэтэринээринэй-чинчийэр лабораторияҕа ыт хаанын бэрэбиэркэлээһин түмүгүнэн, хаһаайыннаах ыттарга бүрүсүлүөс ыарыы баара биллибит.

СӨ Бэтэринээрийэҕэ департамена Дьокуускай куоракка бу ыарыы ыттарга көстүбүтүнэн, харантыын биллэрдэ. Бүгүҥҥү күҥҥэ ыарыы көстүбүтүнэн, ыты күүлэйдэтии, босхо ыытыы бобуллар. Ону таһынан, тыа хаһаайыстыбатыгар сыһыаннаах дьаарбаҥка, ыт-кус сылдьар сиригэр быыстапкалар ыытыллаллара бобуллар.

Ыарыы тарҕамматын туһугар сүрүн сэрэтэр үлэнэн ыты тутар сирдэри дезинфекциялааһын уонна хаһаайыннаах ыттары кэтээн көрүү буолар.

Ыт бүрүсүлүөһэ – сыстыганнаах уонна түргэнник тарҕанар ыарыы. Бу ыарыыга ыт боруодатыттан тутулуга суох сыстар. Ыарыы биллибэккэ сылдьыбыт түгэнэ элбэх.

Онон Дьокуускай куоракка ыттарга харантыын биллэрилиннэ. Бу туһунан СӨ Бэтэринээрийэ департаменын пресс-сулууспата иһитиннэрдэ.