Дьокуускайга ыт дьахтарга саба түстэ
21.01.2024, 16:00
Бөлөххө киир:
Дьокуускай куорат Короленко уулуссатыгар ыт дьахтарга саба түстэ. Бу туһунан эмсэҕэлээччи оҕото социальнай ситимнэргэ иһитиннэрдэ. Борокуратуура бэрэбиэркэ саҕалаата диэн СИА суруйар.
Ол курдук, ыт дьахтарга Короленко уулуссаҕа «Этажи» атыы-эргиэн киинин аттыгар саба түспүт.
«Ийэм өйүн сүтэрбит, хайдах тыыннаах хаалбыппын билбэппин диир. Кинини патруль быыһаабыт. Ыт ийэм этин-сиинин барытын ытырбыт, ордук хаҥас илиитин, атаҕын уонна өттүгүн», — диэн эмсэҕэлээбит дьахтар оҕото социальнай ситимнэргэ кэпсээтэ.
СӨ Борокуратуурата СИА-ҕа тахсыбыт быһылаан тула бэрэбиэркэ тэрилиннэ диэн иһитиннэрдэ.
Бэлиэтээн суруйдахха, тохсунньу аҥаарыгар киин куоракка 62 бэйдиэ сылдьар ыты туттулар. Приюкка уопсайа 943 ыт баар.
+1
1
+1
3
+1
3
+1
1
+1
27
+1
+1
13
Сообщить об опечатке
Текст, который будет отправлен нашим редакторам: