Дьокуускайга ыт ороспуонньуктары тутарга көмөлөстө
29.02.2024, 09:30
Бөлөххө киир:
Дьокуускайга Фараон диэн ыт ороспуонньуктааһыҥҥа уорбаланар дьону тутарга көмөлөстө диэн ИДьМ пресс-сулууспата иһитиннэрэр.
Олунньу 27 күнүгэр киэһэ 22:00 чаас саҕана Билибин уулуссатыгар баар маҕаһыыҥҥа икки эр киһи киирэн харчы уорбуттара биллибит. Бу дьон сирэйдэригэр мааска кэтэн баран бородуукта атыылыыр маҕаһыыҥҥа киирэн, атыыһыкка быһаҕынан уонна биэрэстээх боллуонунан куттаан туран каассаттан харчыны ылбыттар.
Каассаҕа баар алта тыһыынчаттан тахса солкуобайы уоран баран саспыттар.
Силиэстийэлиир-суһал бөлөххө полиция хапытаана кинолог Иннокентий Яковлев Фараон диэн ытын кытта бааллар. Полицейскай ыт сыты ылаат, 900-чэ миэтэрэ тэйиччи турар элбэх кыбартыыралаах дьиэҕэ сүүрбүт. Бу дьиэ биир кыбартыыратыттан уорбаланааччылары булбуттар.
Эрдэ сууттана сылдьыбыт 39 саастаах киһиэхэ уонна кини 30 саастаах доҕорун туппуттар. Быһылаан тула холуобунай дьыала тэрилиннэ.
+1
6
+1
+1
+1
+1
1
+1
1
+1
Сообщить об опечатке
Текст, который будет отправлен нашим редакторам: