Хаартыска - Үп мистиэристибэтин пресс-сулууспата
Бүгүн, алтынньы 23 күнүгэр, Саха сирин алмааһы кырыылыыр уонна ювелирнай бырамыысылыннас үлэһиттэрэ идэлээх бырааһынньыктарын бэлиэтииллэр.
Ил Дархан Айсен Николаев бэйэтин эҕэрдэтигэр 1992 сыллаахха алтынньы 23 күнүгэр аан бастаан алмааһы кырыылааһын ыытыллыбытын бэлиэтээтэ. Аан бастаан бу бырааһынньык 2009 сыллаахха «Золото Якутии» тэрилтэ көҕүлээһининэн тэриллибитэ. Онтон 2010 сыл муус устар 26 күнүгэр өрөспүүбүлүкэ оччотооҕу бэрэсидьиэнэ Вячеслав Штыров ыйааҕынан алмааһы кырыылааччылар уонна ювелирдар идэлээх бырааһынньыктарын алтынньы 23 күнүгэр бэлиэтиир буолбуттара. Бу туһунан “Саха” НКИХ саайта иһитиннэрэр.
Бэлиэ күн чэрчитинэн Дьокуускай куоракка Ювелирнай нэдиэлэ ыытыллар. Ол курдук, бүгүн СӨ Сокровищницатын саалатыгар наука академиятын сотруднига Александра Прокопьева сахалар төрүт үгэс киэргэллэрин туһунан лиэксийэ аахта.
Сарсын, оптуорунньукка, былыргы оҥоһуктары оҥорууга художественнай училище үлэһиттэрэ маастар-кылааһы ыытыахтара. Манна “накостник” диэн сонун сүүрээн оҥоһугу дьон бэйэлэрэ оҥорон көрүөхтэрэ.
Сэрэдэҕэ ювелирдар мустан үлэлэригэр көстөр суолталаах боппуруостары дьүүллэһиэхтэрэ уонна быһаарсыахтара, анал кэскиллээх бырагыраамалары ырытыһыахтара.
Бүгүҥҥүттэн «Саха сирин бастыҥ ювелирнай оҥоһуктара 2023» быыстапка үлэтин саҕалаата. СӨ Гохрана, «Арктика ювелирдара» ассоциация уонна художественнай училище (кэллиэс) сыл аайы тэрийэр бырайыактарынан араас тэрээһин ыытыллар. Манна Дьокуускай куорат олохтоохторо уонна ыалдьыттара саха маастардарын, ювелирнай киэргэл ааптардарын кытта сирэй көрсөн билсиэхтэрин сөп. Аныгы ювелирнай дизайн саҥа хайысхаларын көрүөхтэрэ уонна үөрэтиэхтэрэ.
Быыстапка Киров уул. 12 №-дээх дьиэтигэр быыстапка саалатыгар алтынньы 23 күнүттэн сэтинньи 10 күнүгэр диэри үлэлиэҕэ. Экскурсиялары өрөбүл күн алтынньы 28, 29 күннэригэр уонна сэтинньи 4,5 күннэригэр ыытыахтара.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…