Бүгүн, алтынньы 18 күнүттэн, Дьокуускайга Курашов аатынан уулусса 1/1 дьиэтигэр 8, 9, 23 уонна 44 нүөмэрдээх кэбиниэттэргэ Байыаннай сулууспалаахтар дьиэ кэргэттэрин өйүүр киин үлэтин саҕалаата.
Дьокуускай куорат баһылыга Евгений Григорьев бэлиэтээн эппитинэн, Кииҥҥэ анал байыаннай эпэрээссийэ кыттыылаахтарын дьиэ кэргэттэригэр уонна аймахтарыгар юридическай, психологическай, иһитиннэрэр-биллэрэр уонна волонтердар өҥөлөрө баар буолуоҕа. Дьокуускай куорат дьаһалтатын пресс-сулууспата иһитиннэрэринэн, федеральнай уонна өрөспүүбүлүкэ таһымнаах дьаһалларга эбии 30 тыһыынча кээмэйдээх биир кэмнээх төлөбүр оҥоһуллуоҕа, оҕолор уопсастыбаннай тырааныспарга босхо айанныахтара. Ону сэргэ, өйөбүл быһыытынан, кырачааннар оҕо уһуйааныгар уочарата суох ылыллыахтара, сир учаастагар түүлэһии уонна ыстараап төлөбүрүн уһатан биэриэхтэрэ, бородуука (оҕуруот аһын) түҥэтиэхтэрэ.
Евгений Григорьев этэринэн, куорат быраастара өссө байыаннай сулууспалаахтарга наадалаах тэриллэри, тиэхиньиичэскэй анал сириэстибэлэри атыылаһан ыытар былааннаахтар. Быстах хомуурга барбыт дьон дьиэ кэргэттэригэр бу социальнай уонна үбүнэн-харчынан көмөҕө үп-харчы муниципальнай бүддьүөттэн уонна саппаас пуондаттан бэриллиэҕэ.
Билсиһэр төлөпүөҥҥүт: 40-88-70 уонна 89141106020.
Кыайыы күнэ. Муҥура суох үөрүү, харах уута аргыстаах, кыырыктыйбыт чанчыктаах, өрөгөйдөөх бырааһынньык! Ити билигин, итинник…
Бу хаартыска 1975 сыллаахха Кыайыы 30 сылыгар түһэриллибит. Урут хаартысканан түһэрии үөдүйэн турдаҕына дьарыктана сылдьан…
Аҕа дойду уоттаах сэриитигэр Улуу Кыайыы 80 сылынан Ем.Ярославскай түмэлигэр “Реликвии Великой Отечественной…” быыстапка буолла.…
Модун кыахтаах Сэбиэскэй судаарыстыба улуу нуучча норуотун салалтатынан биэс сыллаах алдьархай аргыстаах Аҕа дойду сэриитин…
1827 сыллаахха атыыһыттар көҕүлээһиннэринэн, үпкэ-харчыга тус кыттыһыыларынан Дьоҕус баһаарга тутаах дьиэни 1830 сыллаахха диэри туттарбыттар…
Бүгүн, ыам ыйын 11 күнүгэр, уочараттаах оһуокай Арчы дьиэтигэр үрдүк таһымнаахтык ыытылынна. Үс Дьоруойдаах Бүлүү…