Бүгүн, муус устар 15 күнүгэр, Дьокуускайга «Арассыыйа-мин устуоруйам» пааркаҕа «Буойун» байыаннай-патриотическай эрэгийиэннээҕи киин аһыллыыта буолла.
Ыччаты дойдуга бэриниилээх буолууга иитэр «Буойун» киин салайааччыта, «Боотур» этэрээт «Барс-2» батальонун хамандыыра, эр санаа уордьан кавалера Василий Егоров санаатын үллэһиннэ:
— «Буойун» байыаннай-патриотическай кииннэр бүгүн дойду үрдүнэн эрэгийиэннэргэ аһылыннылар. Ол курдук биһиэхэ, Сахабыт сиригэр эмиэ аһылынна. Кииммитигэр 14-35 саастаах уолаттары бэлэмниэхпит. Сүрүн болҕомтону эт-сиин өттүнэн бэлэмнээх, бэйэни кыанар буоларга уурар санаалаахпыт. Манна ким баҕалаах кэлиэҕэ. Кииммит тиэхиньиичэскэй баазата барыта бэлэм, онон күн бүгүн да ыччаты үөрэтэргэ бэлэммит. Барыта уонча инструктор Тюменьҥа анал үөрэҕи ааһан ыам ыйын диэки кэлэллэр.
СӨ Бырабыыталыстыбатын бэрэссэдээтэлин солбуйааччы Анатолий Семенов:
— Бүгүн өрөспүүбүлүкэбитигэр «Буойун» диэн ыччаты байыаннай-патриотическай хайысхаҕа бэлэмниир киин аһылынна. Бу Юрий Трутнев көҕүлээһининэн уонна дойду бэрэсидьиэнэ Владимир Путин өйөбүлүнэн тэрилиннэ диэн бэлиэтиэххэ наада. Бүгүн дойду үрдүнэн маннык уон киин аһылынна. Бу «Буойун» федеральнай киин филиалынан буолар. 42 ыстааттаах үлэ миэстэтэ таҕыста. Киин толору федеральнай бүддьүөттэн үбүлэнэр. Биһиги уолаттарбыт, байыаннай дьайыыга кыттыбыт, Тюменьҥа анал байыаннай үөрэҕи ааспыт дьон үлэлиэхтэрэ. Үс ый устата үөрэнэн үөрэтэр, ыччаты патриотическай хайысхаҕа иитэр быраабы ыллылар. Бу киин «Наука дьоҕус акадьыамыйатын» курдук эрээри, хайысхата байыаннай буолар. Оҕолор, ыччат дьон сыл устата симиэнэнэн үөрэниэхтэрэ. Биһиги оҕолору, ыччаты эрдэттэн эт-сиин, өй-санаа өттүнэн бэлэмниэхтээхпит. Манна үөрэммитттэр хайаан даҕаны инникитин байыаннай дьон буолуохтаахтар диэн буолбатах, ол эрээри көмпүүтэргэ бырагыраама, көтөр аппарааттары, тэриллэри кытта билсиэхтэрэ. Ону таһынан эр киһилии бэйэлэрин кыанар буолан тахсалларыгар көмөлөөх буолуоҕа. Бу олус улахан суолталаах. Бүгүн Дьокуускайга аһылынна, ол эрээри бүтүн өрөспүүбүлүкэ нэһилиэктэрин хабан үлэлиэҕэ.
ХОЙ Туохха барытыгар санааны уурдахха ситиһии кэлэрин өйдөөҥҥүн, туттумахтаан хаалыаххын наада. Үлэҕинэн үрдүүргэр табыгастаах кэмнэр. Тус…
Бүгүн, ыам ыйын 16 күнүгэр, саха литературатын устуоруйатыгар киирэр дьоһуннаах тэрээһин П.Ойуунускай аатынан Литература түмэлигэр…
Ыам ыйын 19 күнүгэр Дьокуускай куорат олохтоохторо «ЗаБег.РФ» Бүтүн Арассыыйааҕы полумарафоҥҥа кыттыахтарын сөп. Тэрээһин күнүс…
ИДьМ 2 №-дээх полициятын оперативниктара киин куоракка рестораны уоттуу сатаабыт 33 саастаах дьахтар буоларын быһаардылар.…
СӨ Дьарыктаах буолууга судаарыстыбаннай кэмитиэтэ анал байыаннай дьайыы кыттыылаахтарыгар уонна кинилэр дьиэ кэргэттэригэр анаан Кэлим…
РФ Бэрэсидьиэнэ Владимир Путин КНӨ бэрэссэдээтэлэ Си Цзиньпин ыҥырыытынан Кытай Норуодунай Өрөспүүбүлүкэҕэ икки күннээх судаарыстыбаннай…