Дьокуускайга Ленин проспегар турар баһаартан эмсэҕэлээбит дьиэни өрөмүөннээн саҕалаатылар

Дьокуускайга Ленин проспегын 25 №-дээх аадырыһыгар баар элбэх кыбартыыралаах дьиэ таһын өрөмүөннээн эрэллэр. Санатан суруйдахха, ыам ыйын 4 күнүгэр бу дьиэҕэ баһаар буолбута, хас даҕаны этээс болкуоннара, дьиэ тас көрүҥэ эмсэҕэлээбитэ.

«Билигин фасад штукатуркатын сөргүтүү үлэтэ бара турар, онтон кырааскалыахпыт. Бэс ыйын 12 күнүттэн дьиэ үрдүн өрөмүөннээн саҕалыахпыт”, — диэн бэдэрээттиир ХЭТ «Технолоджи пит» тутар хампаанньа бэрэстэбиитэлэ этэр. Бу хампаанньаны кытта Хапытаалынай өрөмүөн пуондата дуогабар түһэрсибит.