Дьокуускайга көҥүл тустууга Арассыыйаҕа бастыыр иһин күрэхтэһии саҕаланна

Муус устар 13-17 күннэригэр Дьокуускайга көҥүл тустууга  21 саастарыгар диэри уолаттарга Арассыыйаҕа бастыыр иһин күрэхтэһии  ыытыллыаҕа. Бүгүн күрэхтэһии үөрүүлээх аһыллыыта буолла.

«Бу күрэхтэһии Дьокуускайга 17 сыл буолан баран төнүннэ. Онон үөрэ-көтө ыытарга бэлэммит. Арассыыйа спортивнай тустууга федерациятыгар күрэхтэһиини биһиэхэ эрэммитигэр улахан махталбытын тиэрдэбит. Саха сирэ көҥүл тустуунан аатырар. Биһиэхэ даҕаны, Арассыыйа атын эрэгийиэннэригэр даҕаны саҥа көлүөнэ тустууктар тахсан иһэллэриттэн үөрэбит. Бастыыр иһин күрэхтэһии тустуу дойдубутугар сайдан иһэрин, резервэ баарын бэлиэтиир», — диэн Ил Дархан Айсен Николаев эттэ.

Бу күрэхтэһии Ил Дархан Айсен Николаев  уонна Арассыыйа спортивнай тустууга федерациятын бэрэсидьиэнэ Михаил Мамиашвили быһаарыыларынан Дьокуускайга ыытыллар.  Дьокуускай куоракка бүтэһиктээҕин Арассыыйаҕа бастыыр иһин күрэхтэһии 17 сыл анараа өттүгэр, 2006 сыллаахха күрэхтэһии «Кыайыы 50 сыла» спорт дыбарыаһыгар ыытыллыбыта.

Күрэхтэһиигэ Арассыыйа 42 эрэгийиэниттэн 300-чэ эдэр тустуук кытта сылдьар. Кинилэри кытта Саха сирин сүүмэрдэммит хамаандатыттан инники күөҥҥэ сылдьар 36 бөҕөс илин-кэлин түсүһүөҕэ.

Күрэхтэһиилэр бырагыраамалара:

Муус устар 14 күнэ:

08.00 – 08.30 – 57, 65, 74, 86, 97 уонна 125 киилэлээх уолаттарга ыйааһыннааһын;

11.00 – 16.00 – 57, 65, 74, 86, 97 уонна 125 киилэлээх уолаттарга квалификация уонна сүүмэрдиир хапсыһыылар;

16.40 – 17.40 – 57, 65, 74, 86, 97 уонна 125 киилэлээх уолаттарга финалга тахсар иһин хапсыһыылар.

Муус устар 15 күнэ:

08.00 – 08.15 – 57, 65, 74, 86, 97 уонна 125 киилэлээх уолаттарга иккис ыйааһыннааһын;

08.15 – 08.45 – 61, 70, 79 уонна 92 киилэлээх уолаттарга мэд.хонтуруол уонна ыйааһыннааһын;

11.00 – 17.00 – 57, 65, 74, 86, 97 уонна 125 киилэлээх уолаттарга эрэхтээх хапсыһыылар. 61, 70, 79 уонна 92 киилэлээх уолаттарга квалификация уонна сүүмэрдиир хапсыһыылар;

17.00 – 18.00 – 61, 70, 79 уонна 92 киилэлээх уолаттарга финалга тахсар иһин хапсыһыылар;

18.00 – 19.00 – Күрэхтэһии үөрүүлээх аһыллыыта;

19.00 – 21.00 57, 65, 74, 86, 97 уонна 125 киилэлээх уолаттарга финаллааҕы хапсыһыылар.

Муус устар 16 күнэ:

08.45 – 09.00 – 61, 70, 79 уонна 92 киилэлээх уолаттарга иккис ыйааһыннааһын;

11.00 – 12.00 – 61, 70, 79 уонна 92 киилэлээх уолаттарга  эрэхтээх хапсыһыылар;

12.00 – 14.00 – 61, 70, 79 уонна 92 киилэлээх уолаттарга финаллааҕы хапсыһыылар.