Дьокуускай куорат 3-с №-дээх балыыһата икки массыынаны байыаннай дьайыыга ыытта

Бу күннэргэ Дьокуускай куорат 3-с №-дээх балыыһа икки «Волга» массыынаны  байыаннай дьайыыга сылдьар байыастарбытыгар анаан ыытта.

Ол туһунан «Биир ньыгыл Арассыыйа» баартыйа Саха сиринээҕи салаатын пресс-сулууспата иһитиннэрэр.
Дьокуускай куорат 3-с №-дээх балыыһатын кылаабынай бырааһа Светлана Давыдова кэпсээбитинэн, балыыһа кэллэктиибэ байыаннай дьайыыга сылдьар уолаттарбытыгар хаһыс даҕаны сырыытын көмөлөһөр. Ону тэҥэ балыыһаҕа мобилизацияҕа ыҥырыллыбыт дьон кэргэттэрэ, ийэлэрэ үлэлииллэр, онно кэллэктиип, төһө кыалларынан, көмө, өйөбүл оҥорор.

«Биир ньыгыл Арассыыйа» баартыйа эрэгийиэннээҕи исполкомун салайааччыта Руслан Платонов эппитинэн, Саха сирэ  байыаннай дьайыылар саҕаланыахтарыттан Донецкай уонна Луганскай норуодунай өрөспүүбүлүкэлэргэ гуманитарнай көмөнү хомуйан ыытар. Ол иһигэр баартыйа эрэгийиэннээҕи салаата эмиэ көмөҕө кыттыһар.