Дьокуускайтан байыаннай дьайыы хонуутугар 12 массыына ыыттылар

Саха сирин нэһилиэктэрин тутаах тэрилтэлэрэ анал байыаннай дьайыы хонуутугар 12 массыына ыыттылар.

Арассыыйа Бэрэсидьиэнин иһинэн Саха сирин бастайааннай бэрэстэбиитэлэ — Саха сирин Бырабыыталыстыбатын  Бэрэссэдээтэлин бастакы солбуйааччы Андрей Федотов бэлиэтээбитинэн, маннык аахсыйалар Сахабыт сирин дьоно-сэргэтэ Кыайыы өрөгөйүн чугаһатарга бэлэмин көрдөрөр.

«Биһиги оҕолорбут уонна РФ Оборуона министиэристибэтэ биир дойдулаах байыаннай сулууспалаахтарга Саха сирин дьоно-сэргэтэ көмө, өйөбүл оҥороллорун олус сыаналыыллар. Кыайыыны чугаһатар туһугар норуот түмсүүлээҕэ арылхайдык көстөр. Бу биһиги норуоппут күүһэ», — диэтэ Андрей Федотов.

Норуодунай фронт Саха сиринээҕи исполкомун салайааччыта Олег Маклашов иһитиннэрбитинэн, тиэхиньикэ Нерюнгрига тиийиэҕэ, ол кэннэ тимир суолунан Ростов-на-Дону куоракка диэри айанныаҕа уонна байыаннай дьайыы хонуутугар тиэрдилиэҕэ.