Хаартыска: СИА
Тохсунньу 16 күнүгэр «Пятница!» ханаалга «Большие девочки» реалити-шоу иккис сезона саҕаланна.
Бырайыак кыттыылаахтарынан Арассыыйа араас субъектарыттан улахан ыйааһыннаах барыта 14 кыргыттар кытталлар. Кинилэр ортолоругар Дьокуускайтан 24 саастаах Настя уонна 20 саастаах Таня эдьиийдии-балыстыы кыргыттар буолаллар. Билигин Настя — 126 киилэ, оттон Таня — 134 киилэ ыйааһыннаахтар.
Кыргыттар элбэх оҕолоох ыал оҕолоро: Настя — улахан кыыс, Таня – орто оҕо, кинилэр өссө кыра балтылаахтар. Аҕалара Денис Николаевич Дьокуускайтан төрүттээх, ийэтэ Елена Викторовна Казахстаҥҥа төрөөбүт уонна Дьокуускайга улааппыт. Бу кыргыттар Дьокуускайдааҕы мэдиссиинэ кэллиэһигэр үөрэммиттэр. Настя — кардиососудистай кииҥҥэ неврологическай отделениеҕа мэдиссиинэ сиэстэрэтэ, оттон Таня — биэлсэр-лаборант. Билигин кинилэр Хотугулуу-Илиҥҥи федеральнай университет мэдиссиинэ үнүстүүтүн лечебнай факультетыгар үрдүк үөрэх устудьуонкалар.
Үс ый устата Настя уонна Таня атын кыргыттары кытта кэмпииҥҥэ олорон психологическай уонна физическай тургутуулары ааһыахтара. Саҥа олох суолугар үктэннэриигэ кыргыттар уһуйааччыларынан фигурнай катанияҕа биллиилээх тириэньэр Этери Тутберидзе, регби успуорт көрүҥэр дьахтар хамаандатын тириэньэрэ Кирилл Кошарин, диетолог Доктор Регина уонна психолог Анетта Орлова буолаллар. «Большие девочки» шоу «Пятница!» ханаалга хас чэппиэр ахсын киэһэ 19.00 чаастан көрдөрүөхтэрэ. Бастыҥ түмүгү көрдөрбүт бырайыак кыайыылааҕа ыра санаатын толорууга 1 мөл.солк. бирииһи тутуоҕа. Сиһилии СИА ааҕыҥ.
Уопсайа 500-тэн тахса араас саастаах дьон «Вместе Победим!» диэн сүүрүүгэ кыттыыны ыллылар. Бу аахсыйа онкологическай…
Дьылҕа хаан ыйааҕа билиэҕэ диэн санаа сахаларга хайдах, хаһан кэлбитин билбэтим гынан баран, хас биирдии…
2025 сылга “Үлэ киһитэ‑2025” үрдүк ааты ылбыт дьон ортотугар Бүлүү улууһуттан ийэлээх кыыс бааллара биир…
Саха ынаҕын иитиэн баҕалаах ыал ыйытыытыгар Эбээн Бытантайтан хоруйдаатылар. — Саха ынаҕын иитиэхпитин баҕарабыт. Онон бу…
Мин аҕам туһунан бэрт уһун кэм устата ахтыбакка, суруйбакка сылдьан баран, дьэ бу Улуу Кыайыы…
Нуучча улуу бэйиэтэ, драматура уонна прозаига Александр Пушкин төрөөбүт күнүн көрсө бэйиэт айар үлэтигэр сүгүрүйээччилэр…