Дьокуускайтан оскуола үөрэнээччитэ НТВ ханаалга «Ты супер» шоуга кыттыаҕа

Бу өрөбүлгэ, балаҕан ыйын 15 күнүгэр, НТВ ханаалга «Ты супер» шоу үһүс таһаарыытыгар Дьокуускайтан 12 саастаах Ева Тихонова кыттыыны ылыаҕа.

Ева кыра сааһыттан Оҕо дьиэтигэр иитиллэ бэриллибит: биологическай ийэтэ улаханнык ыалдьар буолан кыыһын бэйэтигэр хаалларар кыаҕа суох эбит. Кэлин ийэтэ өлбүт. Кыыһы үс аҥаар сааһыгар  ииттэ ылбыттар. Ева алта сааһыттан вокалынан дьарыктанар, билигин Дьокуускай 1 №- дээх оҕо ускуустубатын оскуолатыгар эстраднай отделениетыгар үөрэнэр. Кыыс Полина Гагаринаны кытта билсиэн уонна «Ангелы в танце» ырыаны дуэтынан ыллыыр баҕа санаалаах.

НТВ ханаалга «Ты супер» шоу балаҕан ыйын 15 күнүгэр киэһэ 20:20 чаастан тахсыаҕа.