Дьокуускайтан уонна Нерюнгриттан субсидиялаах авиабилиэттэр атыыга таҕыстылар

Дьокуускайтан Москваҕа, Санкт-Петербурга, Сочига, Владивостокка уонна атын куораттарга субсидиялаах авиабилиэттэр атыыга таҕыстылар. Ону таһынан Нерюнгриттан Москваҕа уонна Новосибирскайга чэпчэки сыаналаах билиэттэр баар буоллулар. Сотору кэминэн 2026 сылга субсидиялаах маршруттар испииһэктэригэр Мииринэй уонна Полярнай киириэхтэрэ. Бу туһунан ахсынньы 16 күнүгэр СӨ Тырааныспарга министиэристибэтэ иһитиннэрэр.

«Росавиация 2026 сылга субсидияламмыт маршруттар испииһэктэрин бигэргэттэ, онно Нерюнгри, Мииринэй, Полярнай уонна Дьокуускай аэропортара киирсэр 22 маршрут баар. Бүгүҥҥүттэн,  ахсынньы 16 күнүттэн, «Якутия» авиахампаанньа Уһук Илинтэн Арассыыйа киин куораттарыгар субсидиялаах бырагырааматын олоххо киллэрэн эрэр», — диэн иһитиннэриигэ этиллэр.

Билигин пассажирдар маннык хайысхаларынан чэпчэтиилээх сыананан көтөр кыахтаннылар:

РФ чэпчэтиилээх категориялаах гражданнарыгар:

• Нерюнгри – Москва;
• Нерюнгри – Новосибирск;
• Дьокуускай – Владивосток;
• Дьокуускай – Екатеринбург;
• Дьокуускай – Иркутскай;
• Дьокуускай – Краснодар;
• Дьокуускай – Минеральные Воды;
• Дьокуускай – Москва;
• Дьокуускай – Новосибирск;
• Дьокуускай – Омск;
• Дьокуускай – Санкт-Петербург;
• Дьокуускай – Сочи.

Уһук Илин федеральнай уокуругар олорор РФ гражданнарыгар (саастарыттан тутулуга суох):

• Нерюнгри – Москва;
• Дьокуускай – Владивосток;
• Дьокуускай – Москва;
• Дьокуускай – Санкт-Петербург.

Пассажирдар чэпчэтиилээх категорияларыгар киирэллэр:

• 23 сааһыгар диэри РФ гражданина;
• 55 саастарын ааспыт дьахталлар уонна 60 саастарын ааспыт эр дьон;
• ханнык баҕарар саастаах I группалаах инбэлиит уонна кинини арыаллыыр киһи;
• инбэлиит оҕо уонна кинини арыаллыыр киһи;
• оҕо сааһыттан II эбэтэр III группалаах инбэлиит;
• Элбэх оҕолоох ыал статуһун бигэргэппит туоһулаах эбэтэр атын докумуоннаах дьон;
• 23 саастарын ааспыт, уоппускаҕа барарга бигэргэтиллибит холобурдаах билиэттээх, РФ Оборуонатын министиэристибэтин үрдүк байыаннай үөрэҕин кыһаларын куурсаннара.