Дьокуускайга сыаналаах кыһыл көмүс биһилэҕи уоруу дьыалата арылынна

ИДьМ 1 №-дээх полициятын дьуһуурунай чааһыгар эр киһиттэн 70 000 солк. суумалаах көмүс биһилэҕин уорбуттарын  туһунан сайабылыанньа киирдэ.

Холуобунай ирдэбил үлэһиттэринэн суһал-көрдүүр дьаһалларынан уорбаланааччыны туттулар. Урут суттана сылдьыбыт 31 саастаах эр киһи  буолара билиннэ.

Силиэстийэ быһаарытынан, эмсэҕэлэээччи доҕорун кытта арыгы испиттэрэ быһаарылынна. Эр киһи утуйа сыттаҕына, уорбаланааччы сыаналаах биһилэҕи тарбаҕыттан сулбу тардан ылбыт уонна уорбут малын ломбардка туттарбыт. Үбү-харчыны тус бэйэтин наадатыгар туһаммыт.

Холуобунай дьыала тэрилиннэ диэн СӨ ИДьМ пресс- сулууспата суруйар