Доллар кууруһа 90 солкуобайга диэри түстэ

Доллар кууруһа Арассыыйа Бэрэсидьиэнэ Владимир Путин уонна АХШ Бэрэсидьиэнэ Дональд Трамп кэпсэтиилэрин кэннэ 90 солкуобайга диэри түстэ. Бу туһунан РИА Новости суруйар.

Бүгүн Америка валютата 90,31 солк. тэҥнэһэр. Ону таһынан Арассыыйа хампаанньаларын аахсыйаларын сыаната үрдээтэ.

Санаттахха, сэрэдэҕэ киэһэ Арассыыйа Бэрэсидьиэнэ Владимир Путин уонна АХШ Бэрэсидьиэнэ Дональд Трамп төлөпүөнүнэн кэпсэтиини ыыппыттара. Лидердэр Украинаҕа буола турар балаһыанньаны быһаарыыга, Иран ядернай бырагырааматын, экэниэмикэ эйгэтигэр икки өрүттэри күүһүүрдүүнү дьүүллэстилэр. Судаарыстыба баһылыктара кэпсэтиини салҕыырга тус көрсүһүүнү тэрийии туһунан кэпсэттилэр.