Салгыы
До выборов президента РФ
00 дней
:
00 часов
:
00 минут
:
00 секунд
«Дьоллоох дьиэ кэргэн» куонкурус кыайыылаахтара билиннилэр

«Дьоллоох дьиэ кэргэн» куонкурус кыайыылаахтара билиннилэр

13.02.2024, 17:00
Хаартыска: Үлэ, социальнай сайдыы министиэристибэтэ.
Бөлөххө киир:

«Муус устар-2024» ыччат бэстибээлин чэрчитинэн ыытыллыбыт «Дьоллоох дьиэ кэргэн – дьоллоох өрөспүүбүлүкэ» диэн өрөспүүбүлүкэтээҕи хаартысканан куонкурус түмүктэннэ.

Хаартыска: Үлэ, социальнай сайдыы министиэристибэтэ.

«Бүттүүн дьиэ кэргэнинэн» номинацияҕа барыта 1412 хаартысканан үлэ, «Сөргүтүү» номинацияҕа 71 үлэ киирбит. Олус интэриэһинэй үлэлэр бааллар.

Ол курдук, «Бүттүүн дьиэ кэргэнинэн» номинацияҕа Мииринэйтэн Юлия Алексеева 1-кы миэстэни, Горнай Маҕараһыттан Саргылаана Никифорова 2-с миэстэни, Кэбээйи Сэбээн Күөлүттэн Зинаида Потапова 3-с миэстэни ыллылар.

«Сөргүтүү» номинация сорудаҕа — биллэр хартыынаны, киинэ, ойуулук каадырын үтүктэн, хаартыскаҕа түһүү этэ. Манна 1-кы миэстэни  Майя Билюкина (Мэҥэ Хаҥалас, Өлөчөй) ылла, кини худуоһунньук Андрей Чикачев «Преемственность поколений» хартыынатын сөргүппүт. Аллайыаха Чокуурдааҕыттан Снежано Капусто «Босс-молокосос» ойуулук каадырын үтүктэн, 2-с миэстэни ылла. Оттон Иван Семенов (Сунтаар сэл.) Федор Решетников «Опять двойка» хартыынатын үтүктэн, 3-с миэстэҕэ тигистэ.

Маны таһынан, анал бириистэр туттарылыннылар. «Улахан доҕордуу дьиэ кэргэн» анал бирииһи Нерюнгри оройуонун Иенгратыттан Ирина Юдинцева тутта. «Дьиэ кэргэн үгэстэрэ» анал бирииһи Нерюнгри куораттан «Виктор Юхновец ылла.

Бу хаартыскалартан нарын таптал, дьиэ кэргэн сылаас эйгэтэ, истиҥ тыына илгийэргэ дылы. Дьиэ кэргэн сылыгар бэртээхэй куонкурус буолбут!

+1
4
+1
0
+1
0
+1
0
+1
0
+1
0
+1
0
Бары сонуннар
Салгыы
23 февраля
  • -38°C
  • Ощущается: -38°Влажность: 73% Скорость ветра: 1 м/с

Сообщить об опечатке

Текст, который будет отправлен нашим редакторам: