Хаартыска: Үлэ, социальнай сайдыы министиэристибэтэ.
«Муус устар-2024» ыччат бэстибээлин чэрчитинэн ыытыллыбыт «Дьоллоох дьиэ кэргэн – дьоллоох өрөспүүбүлүкэ» диэн өрөспүүбүлүкэтээҕи хаартысканан куонкурус түмүктэннэ.
«Бүттүүн дьиэ кэргэнинэн» номинацияҕа барыта 1412 хаартысканан үлэ, «Сөргүтүү» номинацияҕа 71 үлэ киирбит. Олус интэриэһинэй үлэлэр бааллар.
Ол курдук, «Бүттүүн дьиэ кэргэнинэн» номинацияҕа Мииринэйтэн Юлия Алексеева 1-кы миэстэни, Горнай Маҕараһыттан Саргылаана Никифорова 2-с миэстэни, Кэбээйи Сэбээн Күөлүттэн Зинаида Потапова 3-с миэстэни ыллылар.
«Сөргүтүү» номинация сорудаҕа — биллэр хартыынаны, киинэ, ойуулук каадырын үтүктэн, хаартыскаҕа түһүү этэ. Манна 1-кы миэстэни Майя Билюкина (Мэҥэ Хаҥалас, Өлөчөй) ылла, кини худуоһунньук Андрей Чикачев «Преемственность поколений» хартыынатын сөргүппүт. Аллайыаха Чокуурдааҕыттан Снежано Капусто «Босс-молокосос» ойуулук каадырын үтүктэн, 2-с миэстэни ылла. Оттон Иван Семенов (Сунтаар сэл.) Федор Решетников «Опять двойка» хартыынатын үтүктэн, 3-с миэстэҕэ тигистэ.
Маны таһынан, анал бириистэр туттарылыннылар. «Улахан доҕордуу дьиэ кэргэн» анал бирииһи Нерюнгри оройуонун Иенгратыттан Ирина Юдинцева тутта. «Дьиэ кэргэн үгэстэрэ» анал бирииһи Нерюнгри куораттан «Виктор Юхновец ылла.
Бу хаартыскалартан нарын таптал, дьиэ кэргэн сылаас эйгэтэ, истиҥ тыына илгийэргэ дылы. Дьиэ кэргэн сылыгар бэртээхэй куонкурус буолбут!
Улуу Кыайыы 79 сылынан Уус Алдан улууһун Суотту нэһилиэгэ ытык кырдьаҕастарыгар ас-үөл наборун туттарда. Ону…
Тыа хаһаайыстыбатыгар үүт туттарыы – тыын боппуруос. Үүт туттарыллан үрүҥ-ас дэлэйэр, олохтоох аспытын-үөлбүтүн аһыыбыт, дьон…
Күн-дьыл туруга хайдаҕый? Дьокуускайдааҕы гидрометеорологическай сулууспа тугу иһитиннэрдэ? Соҕуруулуу-арҕаа, соҕуруулуу-илин, илин, хотугулуу-илин кыралаан ардыа, инчэҕэй…
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…