Хаартыска: Мария Васильева, ЯСИА.
Нерюнгри оройуонун биэнсийэлээҕэ түөкүттэр “домофон уларытыыта” исхиэмэлэригэр киирэн биэрэн. Туох баар дьиэ кэргэнин уурумньутун барытын мэлиппит.
72 саастаах биэнсийэлээх дьахтарга түөкүттэр домофоҥҥутун уларытабыт диэн албыннаан, дуогабар оҥорсорго СМС-нан кэлбит куоду этэн биэр диэбиттэр. Эмсэҕэлээччи куоду этэн биэрээтин кытта, киниэхэ ФСБ үлэһитэбин диэн атын түөкүн эрийбит. Бу киһи харчыгын счеккуттан уораары гыннылар диэн куттаан, туох баар бааҥҥа сытар харчыгын уһулан ылан, мин эппит счеппар ыыт диэбит. Салгыы быраабы араҥаччылыыр уорган үлэһитэбин диэн үһүс түөкүн холбоммут итиэннэ кини салайыытынан дьахтар 773000 солкуобайын устан ылан, эппит счеттарыгар көһөрөн кэбиспит.
Манан эрэ бүппэтэхтэр. Били “ФСБ үлэһитэ” хаттаан эрийэн, дьиэҕэр өссө кумааҕы харчы баар дуо диэн ыйыппыт. Ону дьахтар кэргэммин кытта мунньубут 6000 дуоллардаахпын диэбит. Ону истээт, түөкүн декларированнай харчыны дьиэҕэ тута сытыа суохтааххын, быраабы араҥаччылыыр уорганнар тутан ылыахтарын сөп диэбит. Ол кэннэ дуоллары солкуобайга уларытан баран, Росфинмониториҥҥа көрдөрөр курдук анал счекка ук, ол кэнниттэн кинилэр итэҕэллээх киһилэрэ харчыгын төннөрүөҕэ диэбит. Итинник гынан домофоммун уларыттарабын диэн саастаах дьахтар 1 253 000 солкуобай уурумньулааҕын барытын түөкүттэргэ туран биэрбит.
Полиция үлэһиттэрэ өссө төгүл санаталлар, СМС куодун түөкүттэр эрэ көрдүүллэр. Ону таһынан дьиэҕэ төһө баҕарар харчыны уурар көҥүллэнэр. Харчы туһунан саҥардылар да, төлөпүөҥҥүтүн сонно арааран кэбиһиҥ!
Арассыыйа ИДьМ Нерюнгри оройуонунааҕы салаата.
Бэс ыйын 1 күнүттэн дойду үрдүнэн суоппар дастабырыанньаларын биэрии быраабылаларыгар улахан уларыйыылар киирэллэр. Ол курдук,…
Бэс ыйын 5 күнүгэр Дьокуускай куорат "Лена" киинэ тыйаатырыгар "Тооку" оҕо ханаалын биир сааһын көрсө…
Австралияттан Саха сирин биир кыракый дэриэбинэтин ыалын олоҕун-дьаһаҕын билсэр баҕа санаалаах итальянец Томас Хоточчуга мүччүргэннээх…
Бу күннэргэ Амма улууһун Бөтүҥ нэһилиэгин бочуоттаах олохтооҕо, кыраайы үөрэтээччи Екатерина Дьячковская чаҕылхай айар үлэтин…
Саха сирин өрүстэригэр Алдан эбэ сорох учаастактарыттан уратыларга уу таһыма түһэн эрэр, диэтэ өрөспүүбүлүкэ Экологияҕа,…
Баһаартан сэрэхтээх буолуу сезона саҕаланыаҕыттан Саха сиригэр 124 ойуур баһаарын умуруордулар. Бэс ыйын 6 күнүнээҕи…