Дьон аатынан табаар сакаастаан туһаммыт

Мииринэй оройуонугар маркетплейс нөҥүө табаар сакааһын биэрээччи үлэһит уон ый устата дьон аатынан сакаас оҥорон бэйэтигэр иҥэринэ сылдьыбыт.

Кини ааспыт сыл кулун тутарыттан ахсынньыга диэри сымыйа аккауннары арыйан, учуот электроннай бырагырааматыгар сымыйа сибидиэнньэлэри киллэрэн, табаар сакаастыыр эбит. Уорбут табаардарын чэпчэки сыанаҕа атыылаабыт, сороҕун бэйэтигэр иҥэриммит. Ол курдук оҥоһуллубут хоромньу уопсай сууммата — 1 мөл.солкуобайга тэҥнэспит. Силиэстийэ уонна суут кэмигэр уорбаланааччы буруйун толору билиммит, оҥорбут дьайыыларыттан кэмсиммит.  СӨ Борокуратуратын пресс-сулууспата иһитиннэрбитинэн, буруйданааччыны үс сыл алта ый  усулуобунай болдьоххо анаабыттар. Онон сууттанааччы эмсэҕэлээбит өрүттэргэ оҥорбут хоромньутун төннөрөрүн туһунан быһаарбыттар.