Дьон казиноттан уонна да атын оонньуулартан бэйэлэрин бобор кыахтаныахтара

Бэйэлэрин кыайан туттуммат дьоҥҥо Госдума маннык сокуону ылынна.

Азартаах оонньуулартан босхолонуон баҕарар киһи бэйэтигэр бобууну олохтуон баҕарар буоллаҕына, Госөҥөлөр портал нөҥүө эбэтэр элбэх хайысхалаах кииҥҥэ тиийэн сайабылыанньаны биэриэн наада. Оччоҕо бу киһи аата кырата 12 ый устата анал испииһэккэ киирэр. Итиэннэ төһө да кыдьыга “батарбатар” бу болдьох устатыгар хайдах да көтүттэрбэт, онон тохтуубун диэн чахчы быһаарынан баран бобууну туруортарара наада.

Азартаах оонньуулары тэрийээччилэр бу дьон оонньуулларын көҕүлүүллэрэ итиэннэ кинилэргэ  оонньуу угуйугун ыыталлара эмиэ бобуллар. Ону таһынан маннык сайабылыанньаны хайдах биэрэр туһунан  иһитиннэриини бэйэлэрин саайтарыгар, ыстаапканы тутар пууннарга, оонньуу саайтарыгар уо.д.а. таһаарыахтаахтар.

Сокуон 2026 сыл балаҕан ыйын 1 күнүттэн күүһүгэр киирэр  диэн суруйар “Российскай газета”.