СӨ Култуураҕа уонна духуобунай сайдыыга министиэристибэтин саайтыттан
Улуус аайы дьон-сэргэ өрөспүүбүлүкэҕэ Норуот маастарын күнүн көрсө бэйэлэрин уус-уран, талыы-талба оҥоһуктарын, айымньыларын бар дьон киэҥ көрүүтүгэр-истиитигэр таһаараары, үөрэ-көтө бэлэмнэнэ, түбүгүрэ сылдьар.
Бу күүтүүлээх, улахан сэргэхсийиилээх бырааһынньык кулун тутар 3-6 күннэригэр буолуоҕа. Норуот маастарын күнэ быйыл «Симэх» Кииҥҥэ Норуот ускуустубатын галереята тэриллибитэ 30 сылыгар, Российскай Федерацияҕа Учуутал уонна настаабынньык сылыгар, Саха сиригэр Үлэ сылыгар ананна.
СӨ култуураҕа уонна духоубнай сайдыыга миниистирин бастакы солбуйааччы Афанасий Ноев бэлиэтииринэн, бырааһынньык чэрчитинэн бөдөҥ быыстапкалар уонна форумнар ыытыллыахтара. Олор истэригэр быйыл 13 төгүлүн ыытыллыахтаах, үгүс дьон улаханнык таптаан сылдьар уонна биһирээбит норуот уус-уран оҥоһуктарын быыстапката «Якутия Мастеровая» итиэннэ норуот үгэс таҥастарын кэтэн, киэргэллэрин иилинэн-симэнэн баран үөрүүлээх быһыыга-майгыга 7 төгүлүн сэлэлээн хаамыы буолаары тураллар.
Быйыл сааскы тэрээһин биир сэргэх уонна бэлиэ түгэнинэн «Симэх» Кииҥҥэ Норуот ускуустубатын галереята тэриллибитэ 30 сыла буолуоҕа. Биллэр-көстөр айар куттаах дьиэ кэргэн, СӨ норуотун худуоһунньуга Александр Гоголев-Сатал Уус итиэннэ РФ, СӨ култуураларын үтүөлээх үлэһитэ, «Симэх» Киин дириэктэрэ Яна Игнатьева норуот эгэлгэ үчүгэй оҥоһуктарын, уус-уран айымньыларын сайыннарар сыаллаах-соруктаах тэрийбит тэрээһиннэрин төгүрүк 30 сылын норуоттан тахсыбыт айар дьон эйгэтин ортотугар үөрэ-көтө бэлиэтииргэ бэлэмнэр. Бу сыллар усталаах-туораларыгар «Симэх» Киин иитэн-бүөбэйдээн, сайыннаран таһаарбыт айар дьоҕурдаахтарын оҥорор оҥоһуктарыгар тэхиньиичэскэй маастарыстыбаларын таһымнара быдан тупсубута, норуот былыргыттан баар үгэс технологиялара харыстабыллаахтык тутуһуллара, маастардар ахсааннара элбээн иһэрэ харахха быраҕыллар гына сайынна.
Ахсынньы 11 күнүгэр Дьокуускай куоракка «Өрөгөй» улахан уораҕайыгар «Ньурбалар түмсэр түһүлгэлэрэ» диэн элбэх биир дойдулаахтарын…
Быйыл Өймөкөөн улууһугар айылҕа иэдээнэ – улахан алдьатыылаах халаан үгүс хоромньуну таһаарбыта. Ахсынньы 2-3 күннэригэр…
“... Наһаа улахан киһи кэлэн ааста... Омуна суох, ууну-уоту ортотунан ааспыт салайааччыбыт киһиэхэ үчүгэйи эрэ…
Дьоллоох олохпутун салҕаан, өссө ордук үчүгэйдик олоруохпут… Алексей Ильич Сосин 1905 сыллаахха Мэҥэ Хаҥалас оройуонугар Моорук…
Куокуйдааҕы "Надежда" иистэнэр уопсастыбаннай холбоһукка оскуолабыт кэлэктиибэ (дир. Петров И.И.) таҥас быһар электрическай быһаҕы бэлэхтээн…
Соторутааҕыта Москваҕа РФ норуоттарын төрөөбүт тылларын учууталларын Бүтүн Арассыыйатааҕы сийиэһэ буолан ааста. СӨ Билимин академиятын…