Дьон тэлэбиисэрин маҕаһыыҥҥа туттарбыт

4 №-дээх полиция отделын үлэһиттэрэ суһал-ирдиир үлэлэринэн дьон тэлэбиисэрин комиссионнай маҕаһыыҥҥа туттарбыт киһи биллибит. Бу урут сууттана сылдьыбыт 28 саастаах Нерюнгриттан сылдьар киһи.

Быһаарыллыбытынан, уорбаланааччы эмсэҕэлээччиттэн 25 тыһ.солк. суумалаах тэлэбиисэрин уларсыбыт уонна комиссионнай маҕаһыыҥҥа туттарбыт. Ылбыт харчытынан бэйэтин наадалааҕын атыыласпыт.

РФ ХК 159 ыст. 2 ч. («Түөкүннээһининэн») холуобунай дьыала тэриллибит.

ИДьМ пресс-сулууспата