"TRT Haber" сайтыттан
Америка Холбоһуктаах Штаттарын бэрэсидьиэнэ Дональд Трамп тохсунньу 20 күнүгэр дуоһунаһыгар киирдэ, норуотун иннигэр бирисээгэ биэрдэ.
АХШ бэрэсидьиэнэ Дональд Трамп дуоһунаһыгар киириитэ, бирисээгэтин биэриитэ Вашингтон биэриитинэн күнүс 12 чааска буолбута. Тэрээһиҥҥэ АХШ урукку бэрэсидьиэннэрэ Джо Байден, Барак Обама, Билл Клинтон, Джордж Буш кыттыыны ылбыттара.
Дональд Трамп бэрэсидьиэн дуоһунаһыгар үктэнээри туран, бэйэтин этиитигэр Америка Холбоһуктаах Штаттарыгар ураты кэм кэлиэҕин туһунан иһитиннэрдэ.
— Бу кэмтэн саҕалаан Америка саҥа олоҕу олоруоҕа. Урукку сылларга норуот судаарыстыбаҕа итэҕэлэ сүтэ быһыытыйбыт, хоруупсуйа аҥаардастыы баһылаан олорбут буоллаҕына, билигин ол уларыйыаҕа, — диэн эттэ.
Оттон Америка тас дойдулары кытары сыһыаныгар ордук миграция боппуруоһугар күүскэ ылсыаҕын туһунан иһитиннэрдэ.
— Билигин да биһиги дойдубутугар тас дойдулартан дьон кэмэ суох кэлэ турар. Бырабыыталыстыба онно көмөлөһөр, харчы биэрэр. Оттон бэйэтин норуота таска хаалан хаалар, оннук салҕанара табыллыбат. Соҕуруу кыраныыссаҕа ыксаллаах быһыыны-майгыны биллэрэр уолдьаста, тас дойдулартан киирэр дьоҥҥо күүстээх хонтуруол барыаҕа, туһааннаах сирдэргэ рейдэлэри ыытыахпыт, — диэн эттэ.
Тас дойдулары кытары сыһыаныгар Арассыыйа, Украина туһунан тугу да эппэтэ. Ол эрээри атын дойдуларга буола турар сэриилэри тохтоторго үлэлэһиэҕин, Америка Холбоһуктаах Штаттара ханнык да сэриигэ киирбэттэрин бэлиэтээн эттэ.
Санатан суруйдахха, бу иннинэ Дональд Трамп Арассыыйа бэрэсидьиэнин Владимир Путины кытары алта ый иһигэр кэпсэтиэн сөбүн туһунан иһитиннэрбитэ. Владимир Путин эмиэ кэпсэтэргэ бэлэмин туһунан иһитиннэрбитэ.
Ону таһынан Америка саҥа бэрэсидьиэнэ энергетикаҕа уларытыылары киллэриэҕин, кыраныыссатын хаҥатыаҕын, саҥа куораттары тутуоҕун туһунан эттэ. Уопсастыбаҕа сыһыаран Америка Холбоһуктаах Штаттарыгар дьахтар уонна эр киһи тустарынан анал сокуон тахсыаҕын туһунан иһитиннэрдэ.
Соторутааҕыта социальнай ситимнэринэн Алдан оройуонун олохтооҕо Рябиновай үрэх киртийбитин видеоҕа устан тарҕаппыта, ол түмүгүнэн бэрэбиэркэ…
Байыаннай дьайыы бэтэрээнэ, Аҕа дойдуну көмүскээччилэр куубактарын Бүтүн Арассыыйатааҕы финалын призера, Саха сирин олохтооҕо Алексей…
Айылҕа ураты харыстанар сирдэригэр дьиикэй кыыллары, үүнээйилэри, эбэтэр атын да уларыйыылары кэтээн көрөргө хаартыскаҕа түһэрэр…
Бүгүн, от ыйын 7 күнүгэр, күрэс төрүт көрүҥнэригэр "Манчаары оонньууларын" волонтердарын кытта көрсүһүү А.Е.Турнин аатынан…
СӨ Быыһыыр сулууспата иһитиннэрбитинэн, бүгүн, от ыйын 7 күнүгэр, сарсыарда 5.20 ч. Дьокуускай таһыгар Маҕаныыр…
Бу нэдиэлэҕэ үп-харчы эйгэтигэр ураты кэм буолуо. Үгүс бэлиэлэргэ саҥа кыахтар арыллыахтара, ол эрээри сыыһа-халты…