Хаартыска: pxhere саайтан
Ахсынньы 28 күнүгэр АХШ бэрэсидьиэнэ Уэст-Палм-Бич аттыгар Мар-а-Лагоҕа баар дьиэтигэр Зеленскэйи кытта көрсүбүтэ.
Ол иннинэ РФ бэрэсидьиэнэ Владимир Путинныын төлөпүөнүнэн кэпсэппитэ. Кэпсэтиилэр түмүктэринэн Трамп, өрүттэр Украина иирсээн оннун булларар сөбүлэһиигэ чугаһаан эрэллэр диэн эрэлин биллэрдэ. Кини этэринэн, кэпсэтиилэргэ улахан ситиһиилэр оҥоһуллубуттар, диэн суруйар “Российскай газета”.
Ол курдук Украинаҕа сыһыаннаах боппуруостар 95%-гар сөбүлэһии түһэрсиллибитин бэлиэтээтэ.
Сөбүлэһиигэ биир-икки саамай уустук боппуруос быһаарылла илик, ол иһигэр Донбасс тутулуга суох буолуута.
Украинаны чөлүгэр түһэриигэ Арассыыйа көмөлөһөргө бэлэм, диэтэ Трамп. Оттон Европа куттал суох буолар мэктиэтин улахан өттүн бэйэтигэр ылыаҕа.
Кэлэр хас да нэдиэлэ иһигэр быһаарыллыбакка хаалбыт боппуруостарынан Үрүҥ дьиэ баһылыга Зеленскайи кытта элбэхтик кэпсэтиэхтээх, олортон биирдэстэрэ ахсынньы 29 күнүгэр буолуоҕа.
Украина оннун булар боппуруостарын референдум нөҥүө быһаарыахтаах эбэтэр парламент бигэргэтиэхтээх, ол гынан баран нэһилиэнньэ бойобуой дьайыылары тохтотору өйүүрэ чуолкай, диэн Трамп эбэн эттэ.
Бүгүн, олунньу 16 күнүттэн, вице-премьер Сергей Местников салайааччылаах СӨ бырабыыталыстыбатын бөлөҕө Ньурба улууһугар үлэлиир. Оробуочай…
Ааспыт өрөбүл күннэргэ Дьокуускай куоракка 11 суол быһылаана тахсан, биир киһи эчэйдэ. Олунньу 14 февраля …
Төрөөбүт тыл уонна сурук-бичик күнүн чэрчитинэн сылын аайы ыытыллар өрөспүүбүлүкэтээҕи "Сахалыы дьыктаан" аахсыйа быйыл 12-с төгүлүн…
Саха сиригэр 38 байыаннай дьайыы инбэлиитэ уонна кини кэргэнэ суоппары бэлэмнээһин бырагырааматыгар үөрэммит ороскуота төлөннө.…
Бүгүн, олунньу 16 күнүгэр, 03.48 ч. "112" суһал нүөмэргэ, Жатай бөһүөлэгин чугаһыгар, арыыга, массыыналаах балыксыттар…
Өрөспүүбүлүкэҕэ байыаннай дьайыы 4396 кыттааччыта мэдиссиинэ көмөтүнэн туһанна. Бу туһунан олунньу 16 күнүгэр ыытыллыбыт…